Kushangumuka 17:7 - Livulu lya Shukulu Kalunga

⁷ “Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Kushangumuka 17:7 Iomraidhean Croise

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 17:13

Munalume woshe uvakakita mu vinjuvo vyeni, nambe wakulanda na vimbongo, napande kutuuka. Co cikumiiyo cange cikakala a mivila yeni mukupwa cikumiiyo ca ku myaka yoshe.

Kushangumuka 17:19

Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe.

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 6:18

oloni njikalikumiiya cikumiiyo nove. Co ukakovela mu vwato, yove na munakazi wove, na vana vove va vanalume, na vanakazi vavo.

Kushangumuka 9:16

Omo nkongolo ikasholoka mu mashelwa njikaimona, co njikanuka cikumiiyo cange ca myaka yoshe akati kange na vyoshe vyakuyoya vije vili ano asi.”

2 Samwele 7:24

Unalingisa vaIsalele kupwa vanu vove ku myaka yoshe, co yove Shukulu Kalunga, unapu Njambi yavo.

1 Mizimbu 16:13

anukeni vizivukiso vije vyalingile Njambi, na visompeselo vije vyaanene.

1 Mizimbu 16:14

Shukulu Kalunga ikeye Njambi yetu, akanene vushunga kwoshe-ikwoshe ano a kaye.

Myaso 81:10

Yange Kalunga, Njambi yeni, uje wamitundisile mu lifuti lya Ingito. Njilombeni, co njikamyana vyoshe vije munajeneka.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Kutuuka 3:6

Co wendekele lalo ngwendi, “Yange Njambi ya vakukulwila vove, Njambi ya Avilahama na Isake na Yakomba.” Co Mosesa wafwikile ku mesho endi omwo wakele na lyova lya kukenga kuli Njambi.

Kutuuka 6:4

Co lalo njalikumiiye navo cikumiiyo cange, njavakulaesele kuvana lifuti lya Kanana, mu lifuti muje muvakele omo vapwile vangenzi.

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Isaya 61:8

Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Njelemiya 31:1

Shukulu Kalunga alinakwendeka ngwendi, “Simbu ilinakwija omo yange njikapwa Njambi wa miyati yoshe ya Isalele, co vakevo vakapwa vanu vange.

Ezekiyele 28:26

Vakakala mu kwoloka. Vakatunga vinjuvo, co vakalima mahya a mikolovozi ya vushuka vwa vinyu. Njikahisa vandambo vavo voshe vaje vavashendumwine, co Isalele vakakala mu kwoloka. Asinoni vakazivuka ngwavo yange njapwa nji Kalunga Njambi yavo.”

VaLevi 11:45

Yange njapwa Kalunga uje wamitundisile mu lifuti lya Ingito ngeci njipwe Njambi yeni. Munapande kupwa vakujela omo yange njapwa wakujela.

VaLevi 25:38

Yange njapwa Kalunga Njambi yeni, uje wamitundisile mu Ingito ngeci amyane lifuti lya Kanana, co njipwe Njambi yeni.”

VaLevi 26:12

Yange njikakala neni, njikapwa Njambi yeni, co neni lalo mukapwa vanu vange.

VaLevi 26:44

Oloni nameme ngoco, omo vacili mu lifuti lya vitozi vavo, kunjikavombila kuti embwe, nambe kuvanyongeselela. Kunjikapokola cikumiiyo cange navo, omwo yange njapwa Kalunga Njambi yavo.

VaLevi 26:45

Co njikanuka cikumiiyo cije njalikumiiye na vakukulwila vavo omo njasholwele nzili yange ku miyati yoshe akutundisa vanu vange mu Ingito, ngeci njipwe Njambi yavo. Yange Njapwa Kalunga.”

VaLevi 26:9

Njikamivezikisa nakumyana vana vavangi, co njikanyunga cikumiiyo cije njalikumiiye neni,

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Mateo 22:32

‘Yange Njambi ya Avilahama na Njambi ya Isake na Njambi ya Yakomba.’ Ikeye wapwa Njambi wa vaka-kuyoya, kesi wa vaka-kutsa embwe.”

Mako 10:14

Oloni omo Yesu wacimwene, waluvalele wendekele kuli vandongisi vendi ngwendi, “Eceleni vanike vavandondo vaije kuli yange kesi muvavindike, omwo Vumwene vwa Njambi vunapu vwavo.

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Loma 9:4

Vanapu vanu va Njambi, navapwisa vana vendi nakuvasholwela vumpau vwendi, walingile vikumiiyo navo nakuvana Lishiko, vakalemesa mwa vushunga, vanatambula vikulaeso vya Njambi,

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Kwituluka mu Mashiko 29:13

ngeci Shukulu Kalunga amikolese mukupwa vanu vendi, co apwe Njambi yeni, ngwe mwamikulaesele nakulisinga na vakukulwila veni, Avilahama, na Isake, na Yakomba.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.

Maako 2:1

Co kangelo ka Shukulu Kalunga watundile ku Ngilingale walamatele ku Mbokime, wendekele kuli vaIsalele ngwendi, “Yange njakamitundisile ku Ingito, njaminenele mu lifuti lino njakulaesele vakukulwila veni. Co njendekele ngwange, ‘Kunjikapokola cikumiiyo cange neni.