Kushangumuka 17:16 - Livulu lya Shukulu Kalunga

¹⁶ Njikamuvezikisa, akakita mwana wa munalume. Co njikamuvezikisa, ngeci akapwe cisemi ca miyati, co mukati ka vatekulwila vendi mukakala vimyene.”

Kushangumuka 17:16 Iomraidhean Croise

Kushangumuka 1:28

Wavavezikisile nakwendeka ngwendi, “Kiteni, ngeci vatekulwila veni vakatume ano asi oshe, co mukakala na moko yakushwana visi va mu mema a kalunga, na tuzila, na tusitu voshe.”

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 15:4

Co Shukulu Kalunga wamukumbulwile ngwendi, “Ou ndungo yove Elyazale kesi ikeye akashwana vufuko vwove embwe, oloni munove wove vavenya, ikeye akapwa shwana.”

Kushangumuka 17:15

Co Njambi wendekele kuli Avilahama ngwendi, “Yove kuwapandele kutumbula munakazi wove lalo ngwove Salai, embwe. Kutunda ku litangwa lya lelo, lizina lyendi likapwa Sala.

Kushangumuka 17:19

Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe.

Kushangumuka 17:6

Ngecivene, njikatumisa manene vatekulwila vove, co njikakupwisa miyati, na vimyene vakatunda kuli yove.

Kushangumuka 21:1

Shukulu Kalunga wavezikisile Sala ngwe muje mwamukulaesele,

Kushangumuka 24:60

Co vavezikisile Lembeka na majwi awa ngwavo, “Ove ndokazi yetu, ukapwe cisemi ca makulukazi a makulukazi! Co lalo vatekulwila vove vakafungulule vinganda vya vitozi vavo!”

Kushangumuka 25:23

Co Shukulu Kalunga wamukumbulwile ngwendi, “Miyati ivali ili mwimo lyove, ukakita vanu vavali vaje vakalizunga. Umo akakala na nzili kuhyana mukwavo, mukulunu ikeye akapangela shongo yendi.”

Kushangumuka 35:11

Co Njambi wendekele kuli ikeye ngwendi, “Yange Njambi Muka-nzili yoshe. Semunwina mukatume, muli yove mukatunda miyati yaingi, co ukapwa kukulwila ya vimyene.

Kushangumuka 36:31

Ava vakevo vimyene vashwanene mu lifuti lya Endome, omo simbu kanda kucikale mwene mu Isalele.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Loma 9:9

Omwo cikulaeso ca Njambi vacilingile mu majwi awa ngwavo, “A simbu ino vene mungolosika njikeluka lalo, co Sala akakita mwana wa munalume.”

Ngalatiya 4:23

Munendi wa kuli munakazi wa ndungo vamukitile ngwe vanu voshe, oloni munendi wa kuli munakazi uje kesi ndungo vamukitile ku cizango ca cikulaeso ca Njambi.

1 Petulu 3:6

Sala walingile eci, wononokele kuli Avilahama nakumutumbula shukulu yendi. Co yeni ololo munapu mu vana vendi va vanakazi nga mulinga mwamuvwa kujeneka kuzivila lyova cuma cimo.