Kushangumuka 17:14 - Livulu lya Shukulu Kalunga

¹⁴ Munalume woshe uje katuukile, kuvakamulava lalo kupwa umo wa vanu vange, omwo ikeye kanyungile cikumiiyo cange.”

Kushangumuka 17:14 Iomraidhean Croise

Kushangumuka 17:15

Co Njambi wendekele kuli Avilahama ngwendi, “Yove kuwapandele kutumbula munakazi wove lalo ngwove Salai, embwe. Kutunda ku litangwa lya lelo, lizina lyendi likapwa Sala.

Kushangumuka 34:14

Vendekele navo ngwavo, “Kutwasa kushombwesa ndokazi yetu kuli munalume wakwilika kutuuka. Eci cinapu cuma ca shwamwa kuli yetu.

Myaso 55:20

Mukwetu wakulivanga walwisile vasamba vendi, co wapokwele cikumiiyo cendi.

Kutuuka 12:15

Shukulu Kalunga wendekele ngwendi, “A matangwa atanu na avali kumwapandele kulya makende akwaka musima. Lyeni lika makende akujeneka musima. A litangwa lyakulivanga munapande kutundisa musima woshe mu vinjuvo vyeni, nga umo a simbu ya matangwa aje atanu na avali alya makende akwaka musima, co ikeye kakapu lalo umo wa vanu vange.

Kutuuka 12:19

Kesi mukakale musima mu vinjuvo vyeni a matangwa aje atanu na avali, co nga umo weni alya cuma coshe-icoshe cakwaka musima kakapu lalo umo wa vanu vange, nambe kavushoko keni nambe muka-kwija.

Kutuuka 30:33

Munu woshe akalinga mazi ngwe awa, nameme kuwapangesa ku munu kesi muka-kukombelela kuli yange, kakapu lalo umo wa vanu vange embwe.’ ”

Kutuuka 30:38

Nga munu umo atembunwina evi nakuvipangesa kupwa vyakunika lwengo lwaluvwa, co kakapu lalo umo wa vanu vange embwe.”

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Isaya 33:8

Vitapalo vyakama ololo vili na vushonde, co naumo wai alinakwendelamo. Lizivasano na cikumiiyo vinahu. Kukwesi lalo kalemeso ku munu uje anyunga cikulaeso.

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Ezekiyele 44:7

Vanazilulula Njuvo yange akutava vaka-kwija vakujeneka kutuuka vaje kuvesi nakunjononoka, kukovela mu Njuvo yange, a simbu ije omo mazi na maninga valinakuvikombelela kuli yange. Ngecivene, vanu vange vanapokola cikumiiyo cange a vyuma vyoshe vya vunyengwe vije vivanalingi.

VaLevi 18:29

Mwazivuka ngeci munu woshe uje alinga vyuma evi vya vunyengwe kuvakamulava lalo kupwa munu wa Njambi embwe.”

VaLevi 19:8

Munu woshe-iwoshe uje akayilya akakala na mulonga wakupangesa ngoco vije vanakundikile kuli yange, co kuvakamulava lalo kupwa munu wange embwe.

VaLevi 23:29

Woshe uje akalya cuma cimo a litangwa lije, kuvakamulava lalo kupwa umo wa vanu va Njambi.

VaLevi 7:25

Munu woshe uje alya mazi a cimuna uje valambula kupwa mulambu wa vyakulya kuli Shukulu Kalunga, kuvakamulava lalo kupwa umo wa vanu va Njambi embwe.

VaLevi 7:27

Munu woshe akapokola eli lishiko kuvakamulava lalo kupwa umo wa vanu va Njambi embwe.

Kulava 9:13

Oloni nga munu najele, co kesi mu vungenzi ikeye alikela kunyunga Ciwano ca Pasovala, co kuvakamulava lalo kupwa umo wa vanu vange embwe, omwo ikeye kakombelelele n̄ombelo kuli yange a simbu yaco. Co uje munu ngongo yendi vavenya.

1 Kolinte 11:27

Woshe alya likende eli nambe kunwa ku nganja eyi na cilika cacivi, ikeye ali na mulonga wakulinga vuvi ku muvila na maninga a Mwene.

1 Kolinte 11:29

Omwo nga kuwanangukile muunalumbunukila muvila wa Mwene omo ulya likende nakunwa nganja, ulinakulihisa yove vavenya omo ulya nakunwa.