Kushangumuka 17:10 - Livulu lya Shukulu Kalunga

¹⁰ Eci cikeco cikumiiyo cange cimunapande kunyunga, eci njalikumiiya mukati kange nove na vatekulwila vove vaje vakaija munima yove, ngeci munalume woshe ali akati keni napande kutuuka.

Kushangumuka 17:10 Iomraidhean Croise

Kushangumuka 17:11

Co mukatuuka ku situ ya cikonde ceni ngeci cikapwe cizivukiso ca cikumiiyo akati kange neni.

Kushangumuka 17:23

A litangwa lije vene, Avilahama wononokele Njambi, co watuwile munendi Ishimela, na voshe vaje vanalume vakele mu njuvo yendi, amo na vindungo vaje vavakitilile mu njuvo yendi, amo na vindungo vaje vavalandele.

Kushangumuka 17:27

amo na vanalume voshe vaje vakele ku njuvo ya Avilahama, vaje vavakitilile mu njuvo yendi, na vaje vavalandele, voshe vatuukile amo nendi.

Kushangumuka 21:4

Omo Isake wakele na matangwa atanu na atatu, co Avilahama wamutuwile, ngwe muje mwamushikile Njambi.

Kushangumuka 34:15

Twasa kutava lika nga mukapwa ngwe yetu akutuula vanalume voshe.

Kushangumuka 34:22

Oloni vanalume ava vakatava kukala amo netu kupwa vanu vamo netu nga tutava kutuula vanu vetu voshe va vanalume, ngwe omwo vakevo vapwa vakutuuka.

Kutuuka 12:48

oloni kukwesi munu wakujeneka kutuuka akalyako. Nga muka-kwija natungu akati keni ashaka kulisamba a Ciwano ca Pasovala mukulemesa Shukulu Kalunga, co munapande akulivanga kumutuula na vanalume voshe va ku njuvo yendi. Asinoni mukamupangesa ngwe umo wa vaIsalele, co akakala amo neni mu ciwano.

Kutuuka 4:25

Asinoni munakazi wendi Zipola wanonele limanya lyakuvambuka, watuwile munendi wa munalume, co wambatele cije cikonde wacakele ku mendi a Mosesa ngwendi, “Mwa vushunga, yove unapu munalume wange wa maninga.”

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Yowano 7:22

Mosesa wamishikile kutuula vana veni (nameme vene kesi Mosesa embwe, oloni vakukulwila veni vakevo vacishangumukile), co mukatuula mwanike wa munalume a Litangwa Lyakuhwima.

Vilinga vya Miluwa 7:8

Asinoni Njambi waanene Avilahama cilika cakutuuka kupwa cimweso ca cikumiiyo. Ngecivene, Avilahama watuwile Isake omo kuneti matangwa atanu na atatu kutunda akusemuka kwendi, co Isake watuwile munendi Yakomba, co Yakomba watuwile vana vendi likumi na vavali, vakukulwila vakutsimana va muyati wetu.

Loma 2:28

A vyoshe evi, iya kaYunda wa vushunga, wakutuuka mwa vushunga? Kesi munu uje ikeye kaYunda anja lika embwe, uje kutuuka kwendi kunapu kwa muvila lika.

Loma 3:25

Njambi wamupwisile n̄ombelo, ngeci a n̄ombelo ya kutsa kwendi akapwe ciingo cakusambesa vuvi vwa vanu akukulaela kwavo kuli ikeye. Njambi walingile cuma eci mukumwesa ngeci napu muka-vushunga. Ku san̄ulu Njambi wasimpile, co kombileko mbunge ku vuvi vwa vanu,

Loma 3:28

Omwo twayongola ngeci munu vamupwisa muka-vushunga ku mesho a Njambi akukulaela lika, kesi ku vilinga vya majwi a Lishiko.

Loma 3:30

Omwo Njambi wapwa umolika, co alingisa vaYunda kupwa vaka-vushunga ku mesho endi akukulaela kwavo, co na vaje lalo kesi vaYunda avapwisa vaka-vushunga akukulaela kwavo.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Ngalatiya 6:12

Vanu vaje valinakweseka kumisindiya ngeci mutuuke vakevo vaje vashaka kulimwesa na kulyalesa a vin̄anda vya anja. Nameme ngoco, vakevo valinakucilinga ngeci kesi vavapakese omwo cilindakano ca Kilistu.

Efeso 2:11

Yeni kesi mu vaYunda ku cisemwa, vaje vatumbula ngwavo “vaka-kujeneka kutuuka” ngwe ku futisi ya vaYunda, vaje valitumbula ngwavo vaka-kutuuka (eci cilinakwinika vanu vivalinakulinga ku mivila yavo), anukeni vati mwafwile mu simbu yalaja.

Kwituluka mu Mashiko 10:16

Ngecivene, kutunda ku litangwa lya lelo, pweni vaka-kwononoka kuli Shukulu Kalunga kesi mupwe vaka-kukaluwa vimbunge.

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Yoshwa 5:2

Asinoni Shukulu Kalunga walekele Yoshwa ngwendi, “Linga vimoko vimo vyakuvambuka vya mamanya ngeci utuule vaIsalele.”

Yoshwa 5:4

Yoshwa wavatuwile omwo vanalume voshe vaje vatundile ku Ingito vaje vasele kulwa nzita, vatsililile mu mambo omo vatundile mu Ingito.