Kushangumuka 15:13 - Livulu lya Shukulu Kalunga

¹³ Shukulu Kalunga wendekele kuli ikeye ngwendi, “Vatekulwila vove vakapwa vangenzi mu lifuti lya vungenzi, co vakapwa vinzinda kuje, vakavayandesa na muuka a myaka 400.

Kushangumuka 15:13 Iomraidhean Croise

Kushangumuka 15:16

Vatekulwila vove vakeluka muno ku cisemwa camuciwana, omwo kunjikasheke vaAmoli noo vuvi vwavo vunatumu ngeci vakatambule cihiso.”

Kushangumuka 17:8

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Kushangumuka 47:4

Tunaija nakukala mu lifuti lino omwo mu lifuti lya Kanana njala ya lyangengela inaama manene, co kukwesi noku kwakunyungila vimuna vetu. Ngeci shukulu, utwaneko lisesa lyakutunga muno mu lifuti lya Ngoshene.”

Myaso 105:42

Njambi wanukile cikulaeso cendi cakujela, kuli ngamba yendi Avilahama.

Kutuuka 1:11

Ngecivene, vaka-Ingito vaakele vantwama vaka-kupangesa ngeci vayandese vaje vanu nakupangesa mwamuvi vaIsalele. VaIsalele vatungilile mwene vinganda vivali, Pitome na Lamesese kupwa vishete vyakutulikila vyakulya.

Kutuuka 1:13

Co vaka-Ingito vapangesele vaIsalele na muuka na cikela,

Kutuuka 1:14

vavaanene vipangi vyakukaluwa vyakutika vuma nakulinga ndopi, nakupanga mu mahya avo. Voshe vavasindiiye kupanga vipangi vyakama kujeneka kuvazivila mema ku mbunge.

Kutuuka 2:24

Njambi wazivile kukemanga kwavo, wanukile cikumiiyo cendi na Avilahama, na Isake, na Yakomba.

Kutuuka 22:21

“Kesi mupangese mwamuvi nambe kuyandesa muka-kwija embwe, omwo neni lalo anukeni ngweni mwapwile vaka-kwija mu Ingito.

Kutuuka 23:9

“Kesi mupangese muka-kwija mwamuvi, mwazivuka vati muka-kwija akalizivi mu mbunge yendi, omwo neni mwapwile vaka-kwija mu Ingito.

Kutuuka 3:10

Ngecivene, ololo ya, njilinakukutuma kuli mwene wa Ingito ngeci ukatundise vanu vange vaIsalele mu lifuti lyendi.”

Kutuuka 3:17

Co nayongola ngeci akamitundisa mu tuyando twa mu Ingito, nakumitwala mu lifuti lyalivwa nevi vyakujenekamo vyai, lifuti lya vaKanana, na vaHiti, na vaAmoli, na vaPelezi, na vaHivi, na vaNjevushi.’ ”

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

VaLevi 19:34

Kaleni navo mwamuvwa ngwe mumuli nakukala na vakweni vaIsalele, vazemeni ngwe mumwalizema yeni vavenya. Anukeni ngweni neni lalo mwapwile vaka-kwija mu lifuti lya Ingito. Yange njapwa Kalunga Njambi yeni.

Kulava 20:15

ngwe omo vakukulwila vetu vaile ku Ingito twakele kuje myaka yaingi. Vaka-Ingito vayandesele vakukulwila vetu amo netu,

Vilinga vya Miluwa 7:17

“Oloni omo simbu ya cikumiiyo cije calikumiiye Njambi na Avilahama yakele muyehi, co vanu vetu vatumine manene mu Ingito.

Ngalatiya 3:17

Evi vikevyo njinayongola, Njambi walingile lizivasano na Avilahama nakumukulaesa kulinyunga. Mashiko, aje avanene omo kwetile myaka 430, kuwasa kupokola lije lizivasano nakuzimangana cikulaeso ca Njambi.

Kwituluka mu Mashiko 10:19

Ngecivene, zemeni vaka-kwija, omwo neni lalo mwapwile vaka-kwija mu lifuti lya Ingito.

Kwituluka mu Mashiko 5:15

Omwo a matangwa atanu na limo, yange Kalunga Njambi yeni njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali a likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.