Kushangumuka 15:1 - Livulu lya Shukulu Kalunga

¹ Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Kushangumuka 15:1 Iomraidhean Croise

Kushangumuka 15:2

Oloni Avilama wakumbulwile ngwendi, “Yove Shukulu Kalunga wa Akamwa ya Vyoshe, vuvwa mukajo cikapanga cikandelela cove kuli yange omwo yange kunjesi na vana? Elyazale wa ku Ndamasiku ikeye lika shwana yange.”

Kushangumuka 15:4

Co Shukulu Kalunga wamukumbulwile ngwendi, “Ou ndungo yove Elyazale kesi ikeye akashwana vufuko vwove embwe, oloni munove wove vavenya, ikeye akapwa shwana.”

Kushangumuka 21:17

Njambi wazivile kulila kwa mwana, co kangelo ka Njambi oku ali mwilu watambekele kuli Hangale ngwendi, “Hangale, vika ulinyenga? Kesi uzive lyova. Njambi nazivi kulila kwa munove.

Kushangumuka 22:1

Munima ya vyuma evi, Njambi wesekele Avilahama. Wamusanene ngwendi, “Avilahama!” Co Avilahama wamukumbulwile ngwendi, “Ewa, yange uno Shukulu!”

Kushangumuka 22:20

Munima yevi, Avilahama wazivile ngeci Mileka nakiti vana va vanalume vatanu na vatatu kuli ndolome yendi Nahole.

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Kushangumuka 31:7

Co ishweni wanjikwisile nakutengulula fweto yange visimbu likumi, oloni Njambi kamutavesele ngeci anjivulumune.

2 Samwele 22:3

Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa. Ikeye muyoyesi wange, ikeye muka-kunjinyunga nakunjamena, ku vukalu vwoshe.

2 Vimyene 1:15

Co kangelo ka Shukulu Kalunga wendekele kuli Elinja ngwendi, “Shelumuka uye amo nendi, co kesi uzive lyova embwe.” Ngecivene, Elinja waile na uje mwata kuli mwene,

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

Myaso 115:10

Yeni vaka-kukombelela va Njambi, kulaeleni kuli Shukulu Kalunga, ikeye muka-kumikwasa na muka-kuminyunga.

Myaso 119:114

Yove wapwa u ntelo yange na cimpaka cange, cinyangavili cange cakala mu lijwi lyove.

Myaso 142:5

Njitambeka kuli yove Shukulu Kalunga. Njambi ikeye vutewelo vwetu na nzili yetu, wakala muyehi-yehi netu.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 3:3

Oloni yove Shukulu Kalunga, simbu yoshe wapwa u ntelo yange yakunjizikinina ku vushonde, yove unjihyanesa nakunjitakamesa.

Myaso 3:4

Njitambeka kuli Shukulu Kalunga mukunjikwasa, co anjikumbulula kutunda ku lilundu lyendi lyakujela.

Myaso 5:12

Yove Shukulu Kalunga, ukavezikisa vaje vakwononoka, cizemo cove cikavanyungu ngwe ntelo.

Myaso 58:11

Co vanu vakendeka ngwavo, “Vaka-vushunga vanatambula cikandelela cavo, mwa vushunga kwali Njambi muka-kusompa vaka-kaye!”

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 84:9

Tolilila yove Njambi! Vezikisa mwene yetu, mwene uje iwunaangula!

Myaso 91:4

Ikeye akakufwika mu mambava endi, nakukunyunga mwamuvwa, vushunga vwendi vukakwamena nakukunyunga.

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Visimo 30:5

“Vyoshe vije vyendeka Njambi vyapwa vya vushunga, wapwa ntelo ya vaje voshe vatewela kuli ikeye.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 40:10

Kengeni Shukulu Kalunga wa Akamwa ya Vyoshe aija nakushwana na nzili, alinakwija na cikandelela ca vanu vendi.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 43:5

Kesi muzive lyova, njili amo neni! “Njikatundisa vanu vove vaje vali mu ngangela na mu kangombe ka yambi, nakuvelwisila kwimbo lyavo.

Isaya 44:2

Yange Kalunga uje wamitangele, tunde a simbu ije mwasemukile, njinamikwasa. Kesi uzive lyova, yove unapu ngamba yange, vanu vange vakwangula vaje vanjazema.

Isaya 44:8

Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Njelemiya 39:17

Oloni yange Kalunga, njikakunyunga, oloni kuvakakwana ku mavoko ava vanalume vaulinakuzivila lyova.

Mbimbi 3:24

Shukulu Kalunga lika ikeye njishaka, muli ikeye njinaka cinyangavili cange.

Ezekiyele 1:1

A litangwa lyamucitanu ku ngonde yamuciwana ku mwaka wamumakumi atatu, yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi.

Ezekiyele 11:24

Mu cimona, Munzinzime wa Njambi wanjijundwile nakunjiilwisila lalo ku vinzinda ku Mbambilone. Asinoni cije cimona njamwene caile,

Ezekiyele 3:4

Asinoni Njambi wendekele ngwendi, “Muna munu, ya kuli vanu va Isalele, ukendeke kuli vakevo evi vyoshe vinjikuleka.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Kulava 18:20

Co Shukulu Kalunga wendekele kuli Alone ngwendi, “Kumukakala na vushwana mu lifuti lyavo, nambe kumukakala na mutambela umo akati kavo, omwo yange njinapu mutambela weni na vushwana vweni akati ka vanu va Isalele kumukajeneka navimo vyai.”

Kulava 24:4

uje asa kuziva vije vyalinakwendeka Njambi. Uje amona nakutungukwa cimona ca Njambi Muka-nzili yoshe. Uje awila asi ngwe natsi kavela-vela, oloni mesho endi natono amona vyoshe.

Mateo 28:5

Oloni uje kangelo wendekele kuli vaje vanakazi ngwendi, “Kesi muzive lyova. Omwo njinazivuka ngwange mushakezeka Yesu, uje ivashukikile a cilindakano.

Mateo 8:26

Co Yesu wavakumbulwile ngwendi, “Omwo vikajo muli na lyova lyangacije, yeni vaka-kukulaela kwakundondo?” Asinoni wakatukile wolwesele lihunzi na mankimba, co kwalendamene kuluu.

Luka 1:13

Oloni kangelo wendekele kuli ikeye ngwendi, “Kesi uzive lyova Zakaliya! Njambi nazivi lilombelo lyove, munakazi wove Elizaveta akakita mwana wa munalume, co ukamuluka lizina lyendi Yowano.

Luka 1:30

Co kangelo wendekele kuli ikeye ngwendi, “Kesi uzive lyova Maliya, omwo unawana kutetela kuli Njambi.

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

1 Kolinte 3:22

nambe Paulu nambe Apolo nambe Petulu nambe kaye kano nambe mwonyo nambe kutsa nambe vyuma evi viliko nambe vije vikaija kulutwe, vyoshe evi vinapu vyeni,

Kwituluka mu Mashiko 18:2

Kuvakakala na vushwana akati ka vandolome vavo embwe. Shukulu Kalunga ikeye vushwana vwavo ngwe mwavakulaesele.

Kwituluka mu Mashiko 31:6

Koleseni nakusimpa. Kesi mukavazivile lyova nambe kulijujukila embwe, omwo Shukulu Kalunga Njambi yeni akakala amo neni. Ikeye kakonwa nambe kumiseza eni lika embwe.”

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Lute 2:12

Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”

1 Samwele 15:10

Shukulu Kalunga wendekele kuli Samwele ngwendi,

1 Samwele 9:9

(Laja mu Isalele, omo munu aya nakwihula kuli Njambi, co ikeye endeka ngwendi, “Ijeni tuye kuli muka-kumona,” omwo uje ikeye vatumbula ololo ngwavo muka-kwimanena, co laja vakele nakumutumbula ngwavo muka-kumona.)