Kushangumuka 13:2 - Livulu lya Shukulu Kalunga

² Avilama wapwile muka-kufuka manene, wafukile vimanga, na vimembe, na vingombe, amo na siliva na ngolinde.

Kushangumuka 13:2 Iomraidhean Croise

Kushangumuka 12:16

Mwene walingile mwamuvwa na Avilama omwo ya Salai, co waanene Avilama matanga a vimanga, na vimembe, na vingombe, na vimulu, na vindungo va vanalume, na ava va vanakazi, na tumelo.

Kushangumuka 13:6

Omwo Avilama na Lote vakele na vimuna vavangi manene, co kuje ku mutambela kuvakele kukwakele mutambela wakama wakulila vimuna vavo, omwo voshe vakele na vufuko vwavungi ngeci kuvasele kukala amo.

Kushangumuka 24:1

Avilahama wakuluvalele manene, co Shukulu Kalunga wamuvezikisile mu vyuma vyoshe vyalingile.

Kushangumuka 24:35

Shukulu Kalunga navezikisa manene shukulu yange, namupwisa wakufuka manene. Co namwana matanga a vimanga, na vimembe, na vingombe, na siliva, na ngolinde, amo na vindungo va vanalume, na vindungo lalo va vanakazi, na tumelo, na vimulu.

Kushangumuka 26:14

VaFilisitiya vakele na muuka ali ikeye omwo wakele na matanga amangi manene a vimanga na vingombe amo na vangamba vavangi.

Kushangumuka 30:43

Mu ngila eyi vene, Yakomba wafukile manene. Wakele na matanga amangi, na vindungo va vanalume, na ava va vanakazi, na tumelo, na vimulu.

Yombi 1:10

Omwo yove ukamunyungu simbu yoshe na naanga yendi na vyuma vyoshe alinavyo. Co ukavezikisa vyuma vyoshe vyalinga, co yove unamwana vingombe vavangi manene vaje vanashulisa lifuti lyoshe.

Yombi 1:3

co wakele na vimanga vakupwa 7,000, na tumelo vakupwa 3,000, na vingombe vakupwa 1,000 vakulimisa, na vimulu vakupwa 5,000. Wakele lalo na vangamba vavangi manene, co munalume ou wapwile wakufuka manene kutuvakana vanu voshe vaje vakele mu ngangela.

Visimo 10:22

Civezikiso ca Shukulu Kalunga cikeco cikufukisa. Kupanga na nzili kucasa kukufukisa.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Kwituluka mu Mashiko 8:18

Oloni mukanuka ngeci ngweni Shukulu Kalunga Njambi yeni ikeye namyana nzili yakufuka vufuko. Ikeye alinakulinga eci ngeci akolese cikumiiyo cije walikumiiye na vakukulwila veni, omwo ikeye wapwa wa kulongwa na ku litangwa lya lelo.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

1 Samwele 2:7

“Ikeye autwisa vanu vamo, co vamo avafukisa, Ikeye akeesa vamo, co vamo avapwisa vakama.