Kushangumuka 13:18 - Livulu lya Shukulu Kalunga

¹⁸ Ngecivene, Avilama wajalwisile cilombo cendi, co watungile kuyehi na miti yakujela ya oke yakuhwimina ya Mamele ku Hevelone, co kuje watungilile Shukulu Kalunga mutula.

Kushangumuka 13:18 Iomraidhean Croise

Kushangumuka 13:4

kuje kwatungilile mutula. Kukekwo kuje Avilama walemeselele Shukulu Kalunga.

Kushangumuka 14:13

Oloni munalume umo waputumukileko, co wanenele vukaleo vwoshe kuli Avilama kaHevelu, uje wakele kuyehi na miti yakujela ya Mamele kaAmoli. Mamele na vandolome vendi Eshekole na Anele vapwile vasamba va Avilama.

Kushangumuka 18:1

Shukulu Kalunga washolokele kuli Avilahama kuje ku miti yakujela ya Mamele. Avilahama watumbamene ku cikolo ca mbalaka yendi omwo kwakele ntwima manene,

Kushangumuka 22:9

Omo vetele ku mutambela uje wamulekele Njambi, Avilahama watungile mutula, waakeleo vitale. Co wakutile munendi nakumulangeka a mutula akamwa ya vitale.

Kushangumuka 23:2

Co watsililile mu Hevelone mu lifuti lya Kanana, ngeci Avilahama walinyengele nakulila manene a kutsa kwa Sala.

Kushangumuka 26:25

Isake watungile mutula kuje nakulemesa Shukulu Kalunga. Asinoni watungile cilombo cendi kuje, co vangamba vendi vendile lisima likwavo lalo.

Kushangumuka 35:27

Yakomba waile kuli ishe Isake ku Mamele, muyehi na Kilyate Alemba ikeyo Hevelone, kuje kuvakele va Avilahama na Isake.

Kushangumuka 37:14

Co ishe wamulekele ngwendi, “Ya ukamone vandolome vove nga vanenduka mwamuvwa na matanga oshe. Co ukeluke wakunjilekeko.” Ngecivene, ishe wamutumine ku vungenzi vwendi kutunda ku Cimbongo ca Hevelone. Asinoni Yosefa wetele ku Shekeme.

Kushangumuka 8:20

Ngecivene, Nowa watungilile Shukulu Kalunga mutula, co wakwatele ku muyati umo na umo wa vimuna na tuzila vakulya, wavakombelelele kupwa n̄ombelo ya kwenyeka kuli Shukulu Kalunga.

2 Samwele 2:1

Munima yevi, Ndaviti wehwile Shukulu Kalunga ngwendi, “Njasa kuya ku nganda imo ili mu vinganda vya Yunda nakuyifungulula ndi?” Co Shukulu Kalunga wamukumbulwile ngwendi, “Eyo.” Ndaviti wehwile ngwendi, “Nganda ikajo?” Co Shukulu Kalunga wamukumbulwile ngwendi, “Hevelone.”

Myaso 16:8

Simbu yoshe Shukulu Kalunga ali muyehi nange mukunjikwasa, co nacimo cai casa kunjizivisa lyova.

Kulava 13:22

Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.

VaHevelu 11:9

Akukulaela wayoyele mu lifuti lije lyamukulaesele Njambi, nambe ngwe ikeye wakele mu lifuti lya vungenzi. Wakele mu vimbalaka, ngwe mwalingile Isake na Yakomba, ava na vakevo lalo vatambwile cikulaeso ca cifwa cimo kuli Njambi.

Yoshwa 14:13

Asinoni Yoshwa wavezikisile Kalembi muna Njefune, co wamwanene nganda ya Hevelone kupwa vushwana vwendi.

Yoshwa 15:13

Co Kalembi muna Njefune wa ku muyati wa Yunda vamwanene litambelo lya mutambela wa Yunda ngwe muje mwashikile Shukulu Kalunga kuli Yoshwa. Watambwile nganda ya Hevelone, ikeyo nganda ya Alemba ishe ya Anake.