Kushangumuka 13:13 - Livulu lya Shukulu Kalunga

¹³ Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

Kushangumuka 13:13 Iomraidhean Croise

Kushangumuka 10:9

Wapwile ciyambi wakama manene ku mesho a Shukulu Kalunga, co akeo atunda endekesi ngwavo, “Shukulu Kalunga akupwise ciyambi wakama ngwe Nimelonde!”

Kushangumuka 15:16

Vatekulwila vove vakeluka muno ku cisemwa camuciwana, omwo kunjikasheke vaAmoli noo vuvi vwavo vunatumu ngeci vakatambule cihiso.”

Kushangumuka 18:20

Asinoni Shukulu Kalunga wendekele kuli Avilahama ngwendi, “Njinazivi a vuvi vwakukomokesa vuli mu Sondoma na Ngomola.

Kushangumuka 19:13

Tulinakunyongesa nganda ino, omwo Shukulu Kalunga nazivi vuvi vwakukomokesa vwa vanu ava ngeci natutumu kunyongesa Sondoma.”

Kushangumuka 38:7

Oloni vilinga vya Ele vyapwile vyavivi ku mesho a Shukulu Kalunga, ngeci Shukulu Kalunga wamutsiile.

Kushangumuka 39:9

Njili na moko yakama manene muno mu njuvo ngwe ije yalinayo, co kanjivindikile cuma cimo kuvanga yove munakazi wendi. Vatijo njasa kulinga cuma cacivi ngacije nakuvulumuna kuli Njambi?”

Kushangumuka 6:11

Oloni vanu voshe vapwile vavavi ku mesho a Njambi, co vuvi vwavo vwashulile ano asi oshe.

2 Vimyene 21:6

Ikeye wakombelelele munendi wa munalume kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Njelemiya 23:14

Oloni njinamono vaka-kwimanena mu Yelusalema, vakevo ni vanai mweka valinga vupangala nakwendeka makuli, vakundwiya vanu kulinga vuvi, ngeci naumo wai alikela kulinga vuvi. Kuli yange, voshe vanapu vavavi ngwe vanu va ku Sondoma na Ngomola.

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Kulava 32:23

Oloni nga kumunyungu cikulaeso ceni, co munalingi vuvi ku mesho a Shukulu Kalunga. Kesi muvulumune, co vakamihisa a vuvi vweni.

Mateo 9:10

Omo Yesu wakele nakulya ku mesa mu njuvo ya Mateo, vavangi vaka-kutambula lisimu na vaka-vuvi vezile vatumbamene amo na Yesu na vandongisi vendi ku mesa.

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Yowano 9:24

Ngecivene, vasanene uje munalume wapwile kapuputwa lwamucivali vamwihwile ngwavo, “Kulaesa ku mesho a Njambi ngeci wendeka vushunga! Tunazivuka ngwetu munalume ou nakutonesa napu muka-vuvi.”

Yowano 9:31

Tuzivuka ngwetu Njambi kesi kutolilila ku vaka-vuvi, oloni akatolilila lika kuli vaje vamusingimika nakulinga vije vyashaka ngeci vavilinge.

Loma 1:27

Co mu ngila imo lalo vanalume vanatengulula kulinga vilika na vanakazi mu ngila ya cisemwa, oloni valinakulinga vundei na vakwavo vanalume. Vanalume valinakulinga vyuma vya shwamwa kuli umo na mukwavo, co a cuma eci vanatambula fweto inavapande omwo vilinga vyavo vyavivi vije vivanalingi.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

2 Petulu 2:10

vunene kuli vaje valinakukavangeya mashungu amavi a muvila nakushaula moko ya Njambi. Ava valongisi va makuli vapwa vakwamuka nakujeneka lyova, kuvesi kusholola kasingimiko kuli vaka-vumpau vaje vali akamwa, oloni vakevo valinakuvashaula.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

1 Samwele 15:18

co Shukulu Kalunga wakutumine nakukushika ngeci ukanyongese vaka-vuvi vanu va Amaleke. Wakulekele ukalwe noo unavanyongesa voshe.

1 Samwele 2:17

Ovu vuvi vwa vana va Eli vwapwile vwakama manene ku mesho a Shukulu Kalunga, omwo vakele nakushaula manene vin̄ombelo vakele nakukombelela kuli Shukulu Kalunga.