Kushangumuka 12:6 - Livulu lya Shukulu Kalunga

⁶ Avilama wendele mu lifuti lije noo wetele ku muti wa Oke wakuhwimina ku mutambela wakujela wa Shekeme. A simbu ije vaKanana anga vacikele nakuyoya mu lifuti lije.

Kushangumuka 12:6 Iomraidhean Croise

Kushangumuka 10:15

Kanana wakitile munendi wa ntwatwa wa munalume lizina lyendi Sindone, co munendi wamucivali lizina lyendi Hete. Vakevo vapwile vakukulwila va vanu vaje valilukile mazina avo.

Kushangumuka 13:7

Kwakele kulizunga mukati ka tunyungi va vimuna va Avilama na tunyungi va vimuna va Lote. A simbu ije, vaKanana na vaPelezi anga vacikele mu lifuti lije.

Kushangumuka 33:18

Omo Yakomba watundile ku Mesopotamya, wetele mwamuvwa ku nganda ya Shekeme mu lifuti lya Kanana, co watungile cilombo cendi kuyehi na nganda.

Kushangumuka 34:2

Shekeme muna Hamole kaHivi, wapwile muna mwene wa lifuti lije, omo wamumwene, co wamuwisile.

Kushangumuka 34:30

Yakomba wendekele kuli Simyoni na Levi ngwendi, “Mwanjikovelesa mu vukalu, ololo vaKanana, na vaPelezi, na vanu voshe va muno mu lifuti vakanjizinda. Yange kunjesi na vanu vavangi, nga voshe vakalipandakana amolika nakunjilwisa, co vakanyongesa naanga yetu yoshe.”

Kushangumuka 35:4

Ngecivene, vaanene kuli Yakomba vinjambi voshe vaje vapwile vavavenya lifuti vavakele navo, na vimbilingwa vya ku matwi vije vivazalele. Co Yakomba wavishitikile mwisi ya muti wa oke wakuhwimina muyehi na Shekeme.

1 Vimyene 12:1

Lehovowame waile ku Shekeme, kuje vanu voshe va ku kunto ya Isalele valikungulwile nakumupwisa mwene.

1 Vimyene 12:25

Mwene Yelovowame wa mu Isalele wasitile cimpaka ca limbo lya Shekeme mu lifuti lya malundu lya Efalime, co wakele kuje kasimbu lika. Asinoni watundileko, co wakasitile cimpaka ca limbo lya Penwele.

Myaso 60:6

Ku mwela wendi wakujela Njambi nendeka ngwendi, “Njikaangununa Shekeme, njikapangezela Cana ca Sukote kuli vanu vange omwo yange njili na nzili.

Hoziya 6:9

Vaka-kukombelela vanapu ngwe munga ya vezi vaje vavandamena munu. Nameme mu tapalo yakuya ku mutambela wakujela ku Shekeme anga vene vatsiya. Co valinga vyuma evi vyavivi na cizango cavo!

Yowano 4:5

Ngecivene, mu Samaliya wetele ku nganda ivatumbwile Sikale, muyehi na lihya lije lyanene Yakomba kuli munendi Yosefa.

Vilinga vya Miluwa 7:16

Co mivila yavo vaitwalele ku Shekeme kuje vavatsindile mu mbumbo ya Avilahama ije yalandele na vimbongo kuli vana va Hamole.

Kwituluka mu Mashiko 11:30

Eyi minkinda ivali yakala mu kangombe ka yambi ku Ndonga ya Yondau mu lifuti lya vaKanana vaje vakala mu Cana ca Yondau. Minkinda eyi ivali yakala kuyehi na miti yakujela ya ku Mole yalishungama na Ngilingale.

VaHevelu 11:9

Akukulaela wayoyele mu lifuti lije lyamukulaesele Njambi, nambe ngwe ikeye wakele mu lifuti lya vungenzi. Wakele mu vimbalaka, ngwe mwalingile Isake na Yakomba, ava na vakevo lalo vatambwile cikulaeso ca cifwa cimo kuli Njambi.

Yoshwa 20:7

Ngecivene, mu kangombe ka yambi ya Yondau vaangunwine Kendeshe mu Ngalileya, mu lifuti lya malundu lya Nafetali, na Shekeme yakele mu lifuti lya malundu lya Efalime, na Hevelone yakele mu lifuti lya malundu lya Yunda.

Yoshwa 24:32

Co muvila wa Yosefa, uje vezile nawo vanu va Isalele kutunda ku Ingito, vautsindile ku Shekeme, mu kamutambela kamo ka livu kaje kalandele kuli vana va Hamole, ishe ya Shekeme, na mavundungulu a siliva akupwa 100. Co livu lije lyapwile vushwana vwa vatekulwila va Yosefa.

Maako 7:1

Litangwa limo, Yelumbale ikeye Ngilyone, na vanu vendi vendukile mutondo-tondo, vatungile cilombo kumukulo wa Lisima lya Halonde. Co cilombo ca vaMindyani cakele mu cana ku kunto kumukulo wa Munkinda wa Mole.

Maako 9:1

Avimeleke muna Ngilyone waile ku limbo lya Shekeme, kuje kwakele vavushoko vwa vaina voshe, co wavalekele