Kushangumuka 12:3 - Livulu lya Shukulu Kalunga

³ Njikavezikisa vaje vakakuvezikisa, oloni njikasinga vaje vakakusinga. Co muli yove njikavezikisilamo miyati yoshe.”

Kushangumuka 12:3 Iomraidhean Croise

Kushangumuka 18:18

Vatekulwila vendi vakapwa muyati wakama wa nzili, co muli ikeye njikavezikisa miyati yoshe.

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

Kushangumuka 24:35

Shukulu Kalunga navezikisa manene shukulu yange, namupwisa wakufuka manene. Co namwana matanga a vimanga, na vimembe, na vingombe, na siliva, na ngolinde, amo na vindungo va vanalume, na vindungo lalo va vanakazi, na tumelo, na vimulu.

Kushangumuka 25:11

Njambi wavezikisile Isake omo ishe Avilahama watsile. Isake watungile kuyehi na “Lisima lya Muka-kuyoya Ou Nanjimono Yange.”

Kushangumuka 26:29

ngeci kesi ukatulinge mwamuvi embwe, omwo yetu kutwakulingile mwamuvi. Twakuzivilile mema ku mbunge ngeci twakwecelele mu kwoloka. Co ololo cinasholoka mwa vushunga ngeci yove unapu wakuvezika kuli Shukulu Kalunga.”

Kushangumuka 26:4

Njikatumisa vatekulwila vove ngwe vingongonosi vya mwilu. Njikavana lifuti eli lyoshe, na muli vatekulwila vove miyati yoshe ya asi vakavezika.

Kushangumuka 27:29

Miyati yoshe vakapwe vangamba vove, co vanu voshe vakakulemese. Ukashwane vavushoko vwove voshe, na vatekulwila va vaka-nyoko vakakulemesa. Vaje vakakusinga, navo vakasingiwe, co vaje vakakuvezikisa, vakapwe vakuvezika.”

Kushangumuka 28:14

Vatekulwila vove vakapwa vavangi manene ngwe livu lya ano asi. Co vakatuma nakushulisa lifuti eli lyoshe mu mitambela mwoshe, muli yove na muli vatekulwila vove njikavezikisilamo miyati yoshe.

Kushangumuka 30:27

Oloni Lambani wendekele kuli ikeye ngwendi, “Akulivanga njitave ngeci njikuleke eci, omwo njinananguka akutaa ngwange Shukulu Kalunga nanjivezikisa omwo yove.

Kushangumuka 30:30

Omo njezile kuwakele na matanga amangi, oloni ololo vanasemunwina, co Shukulu Kalunga navezikisa vyoshe vije vinjakupangelele. Ololo simbu inete ngeci njikenge a naanga yange.”

Kushangumuka 39:5

Ngeci kutunda a simbu ije omo wapwisile Yosefa ngamba yendi wakumwata, Shukulu Kalunga wavezikisile njuvo ya uje kaIngito na vyuma vyoshe vije wakele navyo mu njuvo yendi na mu mahya endi.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Kutuuka 23:22

Oloni nga mumwononoka nakulinga vyuma vyoshe vije vinjinashiki, njikalwisa vitozi veni voshe.

Kulava 24:9

Muyati wakulifwa na ndumba wa nkomba wa nzili, nambe ngwe ndumba wa lwavo, iya akamushangumuna nakumwindula omo nalala? Woshe uje avezikisa Isalele nendi lalo vakamuvezikisa, co woshe uje asinga Isalele nendi lalo vakamusinga.”

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 25:45

Asinoni akavakumbulula ngwendi, ‘Mwa vushunga njimileka ngwange, omo kumwacilingile kuli umo wa ava vavandondo, kumwacilingile kuli yange.’

Luka 24:27

Co Yesu washangumukile kuvanungulwila mu Visoneka vyoshe vyuma vije vendekele vyakutumbula ikeye, kushangumuka na mavulu a Mosesa nakutwala ku visoneka vya vaka-kwimanena voshe.

Loma 4:11

Vamutuwile, co kutuuka kwendi kwapwile cimweso kumwesa ngeci omwo akukulaela kwendi Njambi wamulaveleleco kupwa muka-vushunga simbu kanda vacimutuule. Ngecivene, Avilahama napu ishe ya voshe vaka-kukulaela kuli Njambi, co Njambi navatambula kupwa vaka-vushunga, nambe kuvatuukile.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

Ngalatiya 3:16

Ololo, Njambi nalingi cikulaeso cendi kuli Avilahama na ku naanga yendi. Visoneka kuvyendekele ngwavyo “Vinaanga,” kulumbununa vanu vavangi, oloni ngwavyo “naanga,” kulumbununa munu umolika, ikeye Kilistu.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

Kujombolola 7:9

Munima yevi njakengele, co njamwene mbunga yakama, naumo wai wasele kulava vanu voshe vaje! Vatundile ku miyati yoshe na ku mafuti oshe na ku vanu voshe na ku vindaka vyoshe, co vemanene kulutwe lwa litanda na kulutwe lwa Muna Manga, vazalele vuzalo vwakutoka, co vakwatele minango ya mashakavale mu mavoko avo.