Kushangumuka 11:4 - Livulu lya Shukulu Kalunga

⁴ Asinoni valyendekesele ngwavo, “Tutungeni nganda yakama amo na kaposhi kakalaja kakete kwilu, ngeci tutsimane kutewa tukashandokela ano asi oshe.”

Kushangumuka 11:4 Iomraidhean Croise

Kushangumuka 6:4

A matangwa aje, omo vana va Njambi vambatele vana va vanakazi va vanu, vakitile navo vana, co vaje vatekulwila vapwile makisi-kisi. Vakevo vapwile vaka-nzili na lutsimo a simbu ije.

2 Samwele 8:13

Co Ndaviti watsimanene manene omo welukile nakutsiya vaEndome vakupwa 18,000 mu Cana ca Mwongwa.

Myaso 107:26

Mato akama akele nakujundokela mwilu avuvili-vili, nakumbwitama kwisi ya mema a kalunga, a vushonde vwangacije, vanu kuvasele kulitakamesa lalo embwe.

Myaso 92:9

Yove Shukulu Kalunga, mwa vushunga vitozi vove vakavanyongesa, voshe vaka-kulinga vyavivi vakavasheka.

Visimo 10:7

Vanu vaka-vushunga simbu yoshe vakavanuka ngwe civezikiso, oloni vaka-vuvi vakavevala.

Njelemiya 51:53

Nameme nga Mbambilone yasa kulonda mwilu, nakutungamo vimpaka vyakukola, anga njasa kutumamo vanu nakukayinyongesa. Yange Kalunga, njinendekamo.”

Ndanyele 4:11

Co wakolele nakukula noo waketele ku mashelwa, co munu woshe wa ano asi wasele kuumona.

Ndanyele 4:22

“Ngecivene, yove shukulu, yove unapu muti uje waulaja na nzili. Yove unapu uwakama ngeci nzili yove kuyesi naa ayahwila, vukama vwove vunete ano a kaye oshe.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Luka 1:51

Ikeye nolola livoko lyendi lya nzili, nashandola vaka-kulyalesa na matumbe avo oshe.

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Kwituluka mu Mashiko 1:28

Tuyila kulijo? Tuli na lyova omwo vandolome vetu vaje twatumine kuje vanatuzivalesa ku vimbunge nakutuleka ngwavo vaje vanu vali kuje vali na nzili manene na vulaja kutuvakana yetu, co vakevo lalo vakala mu vinganda vya vivumbe vyakweta ndo na kwilu. Co kuje lalo vakamweneko makisi-kisi!’

Kwituluka mu Mashiko 4:27

Ngecivene, Shukulu Kalunga akamishandwela akati ka mafuti eka, co vavandondo lika va ali yeni vakasalao akati ka mafuti aje akamishandwela Shukulu Kalunga.

Kwituluka mu Mashiko 9:1

“Tolilileni yeni vanu va Isalele! Ku litangwa lya lelo muli kuyehi nakujavuka Ndonga ya Yondau, nakushwana lifuti lije lya miyati ije yakama ya nzili kutuvakana yeni. Vinganda vyavo vyakama, vili na vivumbe vyaketa ndo na kwilu.