Kushangumuka 11:1 - Livulu lya Shukulu Kalunga

¹ Akulivanga, vanu voshe vaano a kaye vendekele muyati umolika, na ndaka imolika.

Kushangumuka 11:1 Iomraidhean Croise

Kushangumuka 10:32

Vanu voshe ava vapwile vatekulwila va Nowa, muyati na muyati, na vikota vyavo vyakulyangunuka. Omo livazi lyetile, miyati yoshe ili ano asi yatunda kuli vana va Nowa va vanalume.

Kushangumuka 11:2

Omo vaile mu ngangela, vetele mu cana ca mu Mbambilone, co vatungile muje.

Kushangumuka 11:6

Co Shukulu Kalunga wendekele ngwendi, “Kengeni! Ava voshe vanapu vanu vamo, co vakevo valinakwendeka muyati umo, eci cinapu vushangumukilo vwa vyuma vije vivakalinga. Co ololo vakasa kulinga cuma coshe civashaka kulinga!

Isaya 19:18

Omo simbu ije iketa, kukakala vinganda vitanu mu Ingito vakendeka ndaka ya ciHevelu. Co vanu va muje vakakavangeya Shukulu Kalunga Muka-nzili yoshe. Nganda imo ku vinganda vije vakaitumbula ngwavo, “Nganda ya Litangwa.”

Zefaniya 3:9

“Asinoni njikatengulula vimbunge vya vanu, co vakalombela lika kuli yange, kesi ku vinjambi veka lalo embwe. Co voshe vakanjononoka.

Vilinga vya Miluwa 2:6

Omo vazivile muyoyo ou, mbunga yakama vakungulukile. Voshe vavwaelelele, omwo munu woshe wazivile vaje vaka-kukulaela valinakwendeka mu ndaka yendi.