Kushangumuka 10:15 - Livulu lya Shukulu Kalunga

¹⁵ Kanana wakitile munendi wa ntwatwa wa munalume lizina lyendi Sindone, co munendi wamucivali lizina lyendi Hete. Vakevo vapwile vakukulwila va vanu vaje valilukile mazina avo.

Kushangumuka 10:15 Iomraidhean Croise

Kushangumuka 23:3

Avilahama wakatukile wasezele civimbi ca munakazi wendi, waile kuli vaHiti, wendekele ngwendi,

Kushangumuka 24:3

Njishaka yove ulisinge mu lizina lya Shukulu Kalunga Njambi ou wa lilu na asi, ngeci kesi ukambatele munange munakazi wa ku muyati wa vaKanana ava njinatungu navo embwe.

Kushangumuka 49:13

“Zembuloni ikeye akakala ku ngenge ya mema a kalunga. Cikuma cendi cikapwa cakututikila mato akama. Lifuti lyendi liketa na ku Sindone.

2 Samwele 11:3

Ngecivene, Ndaviti watumine muluwa nakumona ngeci uje munakazi ikeye iyajo, co Ndaviti wawanene ngeci kuma uje munakazi ikeye Mbateshemba, muna Elyame munakazi wa Uliya kaHiti.

2 Samwele 24:6

vaile lalo na ku Ngilyande nakweta na ku Kandeshe, mu lifuti lya vaHivi. Asinoni vaile ku Ndani, co kutunda ku Ndani vaile ku Sindone mu kangombe ka yambi.

1 Mizimbu 1:13

Vana va Kanana vapwile, Sindone ikeye wapwile ntwatwa, na Hete vapwile vakukulwila va vanu vaje valilukile mazina avo.

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kutuuka 34:11

Co ononokeni mashiko awa njilinakumyanawo ku litangwa lya lelo. Kenga, njikasheka vaAmoli, na vaKanana, na vaHiti, na vaPelezi, na vaHivi, na vaNjevushi, omo yeni mulinakuya kulutwe.

Isaya 23:4

Nganda ya Sindone, inashauka! Mema a kalunga na vukama vwa vinzinga vyakulova manene vinakuvyana, co vinendeka ngwavyo, “Kunjakele na vana, nalumo lwai njalelele vana va vanalume nambe va vanakazi.”

Njelemiya 47:4

Simbu inete yakunyongesa Filisitiya, naumo wai akasalao mukukwasa vinganda vya Tile na Sindone. Yange Kalunga, njikanyongesa vaFilisitiya voshe vaje vatundile ku vikuma vya Kelete.

Ezekiyele 27:8

Vaka-kujavula vove vatundile ku vinganda vya ku Sindone na ku Alevandi. Vanu vove vaka-kujavula vapwile vaka-vutongwe.

Ezekiyele 28:21

“Muna munu, endeka ku nganda ya Sindone.

Yoshwa 11:8

Shukulu Kalunga wavakundikile ku mavoko a vaIsalele, co vaIsalele vavalwisile nakuvashekela kukunto ku Miselefote Maime, na Sindone, co vetele kungangela na ku cana ca Mizipa. Ngecivene, nzita yakeleko noo vavatsiile voshe.

1 Samwele 26:6

Co Ndaviti wehwile Ahimeleki kaHiti, na Avishai ndolome ya Yowave (vaina vapwile Zeluya) ngwendi, “Iya umo akati keni aya nange ku cilombo ca Saulu?” Avishai wamukumbulwile ngwendi, “Yange njiya nove.”