Kushangumuka 1:16 - Livulu lya Shukulu Kalunga

¹⁶ Ngecivene, Njambi watangele vyeke vivali vyakama, litangwa kushwana ku mutanya na ngonde kushwana ku vutsiki. Co ikeye lalo watangele vingongonosi.

Kushangumuka 1:16 Iomraidhean Croise

Kushangumuka 1:15

ngeci vikavyazime mwilu nakutwila ceke ano asi.” Co vyalingiwile.

Yombi 31:26

Yange kunjalemesele litangwa, mukuvyazima kwalyo, nambe ngonde mu vuvwa vwayo vwoshe.

Yombi 38:7

A mungulungengu vingongonosi vyalikungulwile na kwimba mwaso, co vanu va mwilu vatambekele nakujolela.

Myaso 148:3

Mushangazaleni, litangwa na ngonde, mushangazaleni, vingongonosi vyoshe vyakuvyazima!

Myaso 148:5

Vyuma vyoshe vishangazale lizina lya Shukulu Kalunga! Omwo ikeye washikile, co vavitangele.

Myaso 19:6

Likelyo lituukila ku shongo imo ya lilu, nakulaukila ku shongo ikwavo ya lilu, cuma nacimo cai casa kuvanda ku ntwima yalyo.

Myaso 74:16

Yove watangele litangwa na vutsiki, co waakele litangwa na ngonde mu myela yavyo,

Myaso 8:3

Omo njikenga lilu lije liwatangele, ngonde na vingongonosi, vije viwunaka mu mitambela yavyo,

Isaya 13:10

Vingongonosi na mulalavizi wavyo kuvikatu ceke, litangwa likatsitsivala omo lituuka, co ngonde lalo kuyikatu ceke.

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 40:26

Anduleni mesho eni kwilu! Iyajo watangele vingongonosi vije mulinakumona? Uje avitwamenena ngwe mashwalale, ikeye azivuka vungi vwavyo, co avisana vyoshe a mazina avyo! Nzili yendi yapwa yakama manene, naimo ngongonosi yai yazimbalao!

Isaya 45:7

Yange njitanga ceke na lisusulungu, njinena vivezikiso nakuvindama na tuyando. Yange Kalunga, muka-kulinga vyuma evi vyoshe.

Njelemiya 31:35

Shukulu Kalunga waaka litangwa kutwa ceke ku mutanya, co ngonde na vingongonosi kutwa ceke ku vutsiki. Ikeye akatula mema a kalunga ngeci mankimba angwanjange, lizina lyendi ikeye Shukulu Kalunga Muka-nzili yoshe.

Hambakuke 3:11

Omo ceke ca mikili yove ije yetile vwasi, na omo kuvyakula kwa likunga lyove, co litangwa na ngonde vyemanene.

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Mateo 27:45

Kushangumuka akati ka mutwe, kwakele lisusulungu mu lifuti lyoshe, a maola atatu.

1 Kolinte 15:41

Litangwa lili na vuvwa vwalyo, co ngonde lalo ili na vuvwa vwayo, co na vingongonosi lalo vili na vuvwa vwavyo, lalo nambe akati ka vingongonosi vili na miyati-yati ya vuvwa vwavyo.

Kwituluka mu Mashiko 4:19

Linyungeni kutewa mukawila mu ceseko cakulemesa nakupangesa vije mumona mwilu, litangwa, na ngonde, na vingongonosi. Shukulu Kalunga Njambi yeni navyaana vanu voshe veka vali ano asi ngeci vavilemese.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.