Kushangumuka 1:14 - Livulu lya Shukulu Kalunga

¹⁴ Asinoni Njambi wendekele ngwendi, “Kukale vyeke mwilu ngeci vyangunune mutanya ku vutsiki, vipwe vizivukiso vyakumwesa matangwa, na myaka, na visimbu vya myaka,

Kushangumuka 1:14 Iomraidhean Croise

Kushangumuka 1:13

Cingwezi lyatokele, co mutondo lyakile, lije lyapwile litangwa lyamucitatu.

Kushangumuka 1:15

ngeci vikavyazime mwilu nakutwila ceke ano asi.” Co vyalingiwile.

Kushangumuka 8:22

Omo kaye kaciliko, kukakala simbu ya kukuna na simbu ya kuteja. Co simbu yoshe kukakala kutonola na ntwima, ndombo na cisika, mutanya na vutsiki.”

Kushangumuka 9:13

Njilinakwaka nkongolo yange mu mashelwa. Ikeyo ikapwa cizivukiso ca cikumiiyo cange akati kange na vaka-asi.

Yombi 25:3

Kuma munu asa kulava tungelo vaje valinakumupangela ndi? Kuma kuli mutambela umo kuje kukwesi nakutwila ceke ca Njambi ndi?

Yombi 25:5

Ngonde kuyasa kutwa ceke cakuvyazima, ku mesho a Njambi, nameme vingongonosi kuvyasa kupwa vyakujela embwe.

Yombi 3:9

Vingongonosi vya a mungulungengu vitsitsivale, kesi vitwe ceke, vutsiki vuje kesi vukye, nambe kesi vumone misha ya mutondo.

Myaso 119:91

Mashiko ove aliko na lelo lino, omwo vyuma vyoshe vikupangela.

Myaso 148:3

Mushangazaleni, litangwa na ngonde, mushangazaleni, vingongonosi vyoshe vyakuvyazima!

Myaso 148:6

Akushika kwendi wavyakele mu myela yavyo ku myaka yoshe, lishiko lyendi kulikatenguluka embwe.

Myaso 150:1

Shangazaleni Shukulu Kalunga! Shangazaleni Njambi mu Njuvo yendi yakujela! Mushangazaleni mu melu endi a nzili.

Myaso 81:3

Imbeni lupembo omo ngonde itenama, nameme omo ili mukati, na a litangwa lya viwano vyetu.

Isaya 40:26

Anduleni mesho eni kwilu! Iyajo watangele vingongonosi vije mulinakumona? Uje avitwamenena ngwe mashwalale, ikeye azivuka vungi vwavyo, co avisana vyoshe a mazina avyo! Nzili yendi yapwa yakama manene, naimo ngongonosi yai yazimbalao!

Njelemiya 10:2

Shukulu Kalunga alinakwendeka ngwendi, “Kesi mukavangeye vingila vya miyati ya vanu veka, co kesi mujujuke a vizivukiso mumona mwilu, nameme miyati yeka vajaja.

Njelemiya 31:35

Shukulu Kalunga waaka litangwa kutwa ceke ku mutanya, co ngonde na vingongonosi kutwa ceke ku vutsiki. Ikeye akatula mema a kalunga ngeci mankimba angwanjange, lizina lyendi ikeye Shukulu Kalunga Muka-nzili yoshe.

Njelemiya 33:20

“Yange njalikumiiye cikumiiyo mutanya na vutsiki, ngeci vije-ije a simbu yavyo ije njemika, co cikumiiyo eci kucasa kupokoka.

Njelemiya 33:25

Oloni yange Kalunga, njalikumiiye cikumiiyo mutanya na vutsiki, co njinatungu mashiko akunyunga kaye na lilu.

Ezekiyele 46:1

Shukulu Kalunga wa Akamwa ya Vyoshe alinakwendeka ngwendi, “Cikolo ca mu ngangela, ca cipango ca mbanja ya mukati vanapande kucishoka a matangwa atanu na limo akupanga vipangi, oloni vacishokolole lika a Litangwa Lyakuhwima na a Ciwano ca Ngonde Yaiha.

Ezekiyele 46:6

A Ciwano ca Kutenama kwa Ngonde akane muna ngombe wa nkomba, na vana va vimanga vatanu na umo, na lijamba lya manga, voshe vakujeneka kapenga.

Njwele 2:10

Asi oshe aninganga omo valinakwija, co lilu lijaja. Litangwa na ngonde vizivala vwii, na vingongonosi kuvitu ceke.

Njwele 3:15

Litangwa na ngonde vikazivala, co vingongonosi kuvikatu ceke lalo.

Amose 5:8

Shukulu Kalunga ikeye watangele vingongonosi, Lishano Mutumbu na Muta-mbambi. Ikeye akatengulula vutsiki kuvupwisa mutanya, co mutanya aupwisa vutsiki. Ikeye akasana mena mu mema a kalunga nakuwanyokesela ano asi. Lizina lyendi ikeye Shukulu Kalunga.

Amose 8:9

Simbu ikaija omo litangwa likazivala akati ka mutwe, co njikatengulula mutanya kuupwisa lisusulungu. Yange Kalunga wa Akamwa ya Vyoshe, njinendekamo.

Mateo 2:2

vehwile ngwavo, “Ulijo mwanike ou nasemuka uje akapwa mwene wa vaYunda? Omwo twamwene ngongonosi yendi ilinakutuuka mu ngangela, ngecivene, tunaija mukumulemesa.”

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Mako 13:24

“Oloni a simbu ije vene omo tuyando tuneti, litangwa likazivala vwii, co ngonde kuyikatu lyezi,

Luka 23:45

co nanga ije yajenjelele mu Njuvo ya Shukulu Kalunga yatavukile akati.

Kwituluka mu Mashiko 4:19

Linyungeni kutewa mukawila mu ceseko cakulemesa nakupangesa vije mumona mwilu, litangwa, na ngonde, na vingongonosi. Shukulu Kalunga Njambi yeni navyaana vanu voshe veka vali ano asi ngeci vavilemese.

Kujombolola 6:12

Co njamwene Muna Manga avatula kasateso kamucitanu na kamo. Co kenga, kwakele mandunduma akama manene, litangwa lyazivalele ngwe cikeleya cakuzivala na ngonde yemukile lalo yakuvenga ngwe maninga.

Kujombolola 8:12

Asinoni kangelo wamuciwana wembile lupembo lwendi. Co litambelo lyamucitatu lya litangwa valipupile na litambelo lyamucitatu lya ngonde na litambelo lyamucitatu lya vingongonosi, ngeci ceke cavyo cizimbalese litambelo lyamucitatu lyakuvyazima kwaco, co kukwakele ceke a simbu ya litambelo lyamucitatu lya mutanya na litambelo lyamucitatu lya vutsiki.

Kujombolola 9:2

Ije ngongonosi yashokolwele ije mbulu kuyesi naa masima, co vwisi vwatuukilemo, ngwe vwisi vwakutunda mu lutengo lwakama, co misha ya litangwa na lihunzi vyazivalele na vwisi vuje vwatundile muje mu mbulu ije kujesi naa masima.