Kulava 9:16 - Livulu lya Shukulu Kalunga

¹⁶ Ngecivene, lije lishelwa lyakeleo simbu yoshe, co ku vutsiki lyasholokele ngwe tuhya.

Kulava 9:16 Iomraidhean Croise

Nehemiya 9:12

Ku mutanya wavatwamenenene na lishelwa, co ku vutsiki watwisile ceke ca tuhya mu ngila yavo.

Nehemiya 9:19

Oloni kuwavasezele muje mu mambo, omwo ngozi yove yapwa yakama. Kuwatundisile lije lishelwa nambe tuhya, vije vyavamwesele ngila ku mutanya na ku vutsiki.

Myaso 105:39

Njambi waakele lishelwa akamwa ya vanu vendi, na tuhya twakuvatwila ceke ku vutsiki.

Myaso 78:14

A simbu ya mutanya wavatwamenenene na lishelwa, co a simbu ya vutsiki wavatwamenenene na ceke ca tuhya.

Kutuuka 40:34

Asinoni lishelwa lyafwikile Mbalaka, co ceke ca vumpau vwa ku mesho a Shukulu Kalunga cashulisile Mbalaka.

Kutuuka 40:38

Co simbu yoshe mu vungenzi vwavo vwoshe vamwene lishelwa lya Shukulu Kalunga akamwa ya Mbalaka a simbu ya mutanya, co tuhya twakele nakushukuma mu lishelwa a simbu ya vutsiki ku mesho a vanu voshe va Isalele.

1 Kolinte 10:1

Njishaka ngeci muzivuke vavusamba vange vije vyalingiwile kuli vakukulwila vetu vaje vakavele munima ya Mosesa. Voshe vavanyungilile mu lishelwa, co voshe vetile mu Lishali lya Mema Akuvenga kujeneka vushonde.

2 Kolinte 5:19

Majwi etu akewo apwa ngeci Njambi waambesele vanu voshe ali Kilistu. Njambi kasa kuvalavela lalo vuvi vwavo, co ikeye natwana majwi aje atuleka vati navambesela.

Kwituluka mu Mashiko 1:33

uje simbu yoshe watwamene kulutwe lweni nakumiwanena mutambela wakutungila cilombo cendi, nakumisholwela ngila. Co ikeye watwamene kulutwe lweni mu manda ya tuhya ku vutsiki, na mu manda ya lishelwa ku mutanya.

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.