Kulava 8:21 - Livulu lya Shukulu Kalunga

²¹ Co vaLevi valijelesele ku vuvi nakukusha vuzalo vwavo, co Alone wavakundikile kuli Shukulu Kalunga kupwa vwana vwavuvwa. Co lalo wavaambesele nakuvajelesa.

Kulava 8:21 Iomraidhean Croise

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

VaLevi 14:11

Co muka-kukombelela akatwale uje munu, amolika na n̄ombelo yendi, ku cikolo ca Mbalaka Mwakuliwanena.

Kulava 19:12

Napande kulijelesa na mema akujelesa a litangwa lyamucitatu, na a litangwa lyamucitanu na avali, asinoni akajela. Oloni nga ikeye kalijelesele a litangwa lyamucitatu, na a litangwa lyamucitanu na avali, co ikeye kakajele embwe.

Kulava 19:19

Co munu uje najele akashamwine mema uje kajelele a litangwa lyamucitatu, na a litangwa lyamucitanu na avali. A litangwa lyamucitanu na avali akajelesa uje munu, co ikeye akakushe vuzalo vwendi, nakujwela mema a muvila wendi, asinoni akapwa wakujela ku cingwezi.

Kulava 3:12

“VaLevi vanapu vange vanengi muli va ntwatwa voshe va vanalume va Isalele.

Kulava 8:15

Omo unajelesa nakukundika vaLevi, co vaLevi vakasa kupanga vipangi mu Mbalaka Mwakuliwanena.

Kulava 8:20

Ngecivene, Mosesa na Alone na mbunga yoshe ya vanu va Isalele vakundikile vaLevi, ngwe muje mwashikile Shukulu Kalunga Mosesa.

Kulava 8:22

Vanu va Isalele valingile vyuma vyoshe vije vyashikile Shukulu Kalunga kuli Mosesa vyakukundama kuli vaLevi. Ngecivene, vaLevi vasele kukovela mu Mbalaka Mwakuliwanena nakupangela Alone na vana vendi.

Kulava 8:7

Akuvajelesa linga ngeci, vashamwine mema akuvajelesa, co vateule a mivila yavo yoshe, vakushe lalo vuzalo vwavo, co vakajela.