Kulava 8:12 - Livulu lya Shukulu Kalunga

¹² Co vaLevi vakakambeka mavoko avo a mitwe ya vaje vingombe va nkomba vavali, co umo akapwe wa n̄ombelo ya a vuvi, mukwavo akapwe wa n̄ombelo ya kwenyeka mukujelesa vaLevi.

Kulava 8:12 Iomraidhean Croise

Kutuuka 29:10

“Co nena ngombe wa nkomba kulutwe lwa Mbalaka Mwakuliwanena, leka Alone na vana vendi ngeci vakambeke mavoko avo a mutwe wa ngombe wa nkomba,

VaLevi 1:4

Co akakambeke livoko lyendi a mutwe wa uje cimuna ngeci vakamutambule kupwa n̄ombelo ya kumwambesa ku vuvi vwendi.

VaLevi 14:22

Co lalo akanene tutela vavali, nambe mayembe vavali. Umo apwe wa n̄ombelo ya a vuvi, co mukwavo apwe wa n̄ombelo ya kwenyeka.

VaLevi 16:11

“Asinoni Alone akanene ngombe wa nkomba kupwa n̄ombelo ya a vuvi vwendi vavenya, na vuvi vwa naanga yendi mukulyambesa ikeye vavenya na naanga yendi, co akatsiye uje ngombe wa nkomba kupwa n̄ombelo ya a vuvi vwendi vavenya.

VaLevi 16:21

Co akakambeke mavoko endi oshe avali a mutwe wa uje membe wa mwonyo nakulitavela vuvi vwoshe vwa vanu va Isalele, na vivi vyavo vyoshe, na vivulumuna vyavo vyoshe, co nakuvinungulwila a mutwe wa uje membe. Asinoni uje membe vamwecelele aye mu mambo amolika na munu uje vanemika kulinga cuma eci.

VaLevi 16:6

Co akakombelele ngombe wa nkomba kupwa n̄ombelo mukulyambesa ikeye vavenya ku vuvi vwendi novu vwa naanga yendi.

VaLevi 4:15

vantwama va mbunga vakakambeke mavoko avo a mutwe wa uje cimuna, co vakamutsiile ku mesho a Shukulu Kalunga.

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

VaLevi 4:35

Asinoni akatundise mazi oshe a cimuna, ngwe muje akatundisa mazi a vimanga vakutsiila a milambu ya kulitombola, co akawenyekele a mutula akamwa ya milambu ya vyakulya vyakulambula kuli Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 4:4

Akanene uje ngombe wa nkomba ku cikolo ca Mbalaka, akakambeke livoko lyendi a mutwe wa uje cimuna, nakumutsiila ku mesho a Shukulu Kalunga.

VaLevi 5:7

“Oloni nga munu onwa kunena manga nambe membe, co uje munu napande kunena kuli Shukulu Kalunga tutela vavali nambe mayembe vavali, kupwa mulambu wa mulonga wendi a vuvi vuje vwanalingi. Kazila umo akapwa wa mulambu wa a vuvi, co mukwavo wa mulambu wa kwenyeka.

VaLevi 8:14

Asinoni Mosesa wanenele muna ngombe wa nkomba wa n̄ombelo ya a vuvi, co Alone na vana vendi vakambekele mavoko avo a mutwe wa uje cimuna.

VaLevi 8:15

Mosesa wamutsiile, co wanoneleko maninga amo, co wambwitikilemo mulavo wendi waakwitile ku vyakushongomoka vya mu vimbango vya mutula, ngeci vaujelese. Asinoni wetilile maninga aje asaleleo kwisi ya mutula. Co mu ngila eyi waukundikile nakuujelesa.

VaLevi 8:18

Asinoni, Mosesa wanenele lijamba lya manga wa n̄ombelo ya kwenyeka, co Alone na vana vendi vakambekele mavoko avo a mutwe wa uje cimuna.

VaLevi 8:34

Co Shukulu Kalunga ikeye watushikile kulinga evi vitunalingi lelo mukumyambesa ku vuvi vweni.

VaLevi 9:7

Asinoni Mosesa wendekele kuli Alone ngwendi, “Ya ku mutula, ukakombelele n̄ombelo ya a vuvi vwove, na n̄ombelo yove ya kwenyeka mukulyambesa yove vavenya, amo na vanu voshe. Linga n̄ombelo eyi mukutundisa vuvi vwa vanu, ngwe muje mwashikile Shukulu Kalunga.”

Kulava 6:14

co ikeye akatwale kuli Shukulu Kalunga, lijamba umo wa muna manga wa mwaka umo wakujeneka kapenga wa mulambu wa kwenyeka, na muna manga wa lwavo wa mwaka umo wakujeneka kapenga wa mulambu wa a vuvi, co na lijamba lya manga wakujeneka kapenga wa mulambu wa kulitombola.

Kulava 6:16

“Co muka-kukombelela akatwale evi vyoshe kuli Shukulu Kalunga nakulambula mulambu wa a vuvi na mulambu wa kwenyeka.

Kulava 8:13

“Co ukemika vaLevi ku mesho a Alone na vana vendi, ukavane kupwa mulambu wauvwa kuli Shukulu Kalunga.

Kulava 8:8

Asinoni vakambate muna ngombe wa nkomba na n̄ombelo ya vimbuto ya vunga vwavuvwa vwakuseneta vwakukumbasana na mazi a olive, co yove ukambata muna ngombe wa nkomba mukwavo kupwa n̄ombelo ya a vuvi.

VaHevelu 9:22

Mwa vushunga vene, ku Lishiko vyuma vimo vavijelesele na maninga, co kwakujeneka kwitila maninga, co kukwesi kusamba kwa vivi.