Kulava 7:19 - Livulu lya Shukulu Kalunga

¹⁹ Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva. Vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

Kulava 7:19 Iomraidhean Croise

Ezela 1:9

Ovu vukevwo vungi vwavyo, vimbashiya vya ngolinde vya vin̄ombelo vyapwile 30, vimbashiya vya siliva vya vin̄ombelo vyapwile 1,000, malonga akwavo apwile 29,

Kutuuka 25:29

Co fula malonga, na vinganja, na vinjava, amo na tulonga twatundondo twakupangesa a milambu ya vinyu. Co vyoshe evi vifule na ngolinde yakujela.

Njelemiya 52:18

Co vatwalele lalo vifwosholo, na malonga akukwatela lito, aje vapangesele mukukomba ku mutula, co vambatele vivala vyakuzimisa vindeya, na malonga aje vapangesele mukukwatelao maninga a vin̄ombelo, na malonga aje vapangesele mukwenyeka insense, na vivala vyoshe vya vunengu vije vapangesele mu Njuvo ya Shukulu Kalunga.

VaLevi 2:1

“Omo munu umo akalambula mulambu wa vimbuto vya vinona kuli Shukulu Kalunga, akulivanga napande kuvilola vunga vwavuvwa vwakuseneta. Co napande kwakao mazi a olive na insense,

VaLevi 5:11

“Oloni nga munu onwa kunena tutela vavali nambe mayembe vavali, co akanene kilo imo ya vunga vwavuvwa vwakuseneta kupwa mulambu wa a vuvi vwendi. Kesi akaakeo mazi a olive nambe insense embwe, omwo ukewo unapu mulambu wa a vuvi.

Zakaliya 14:20

A litangwa lije vakasoneka a vingenjo vya tuvalu ngwavo, “Vyakukundika kuli Shukulu Kalunga.” Vindeo vya mu Njuvo ya Shukulu Kalunga vikapwa vyakujela ngwe malonga a ku mutula.

Kulava 7:18

Ntwama uje walambwile mulambu wendi a litangwa lyamucivali wapwile Netanela muna Zuwale, wa ku muyati wa Isakale.

Kulava 7:20

Walambwile mbashiya imo ya ngolinde vulemu vwayo vwapwile mangilamu 110, yakushula na insense.

Mateo 14:8

Vaina vayongwele mwakalinga, co wendekele ngwendi, “Njaneni ololo ano vene mutwe wa Yowano Muka-kumbwitika a lilonga!”

Mako 6:25

Co uje mumbanda welukile vwasi-vwasi kuli mwene nakumulomba ngwendi, “Njishaka munjane ololo vene mutwe wa Yowano Muka-kumbwitika a lilonga!”