Kulava 7:10 - Livulu lya Shukulu Kalunga

¹⁰ Omo vavwavesele mutula, co vantwama lalo vatwalele milambu yavo yakukundika mutula.

Kulava 7:10 Iomraidhean Croise

1 Vimyene 8:63

Wakombelelele vingombe vakupwa 22,000, na vimanga vakupwa 120,000 kupwa milambu ya kulitombola. Ngecivene, mwene na vanu voshe vakundikile Njuvo ya Shukulu Kalunga.

2 Mizimbu 7:5

Wakombelelele vingombe vakupwa 22,000, na vimanga vakupwa 120,000 kupwa milambu ya kulitombola. Ngecivene, mwene na vanu voshe vakundikile Njuvo ya Shukulu Kalunga.

2 Mizimbu 7:9

Co vamanesele matangwa atanu na avali akukundika mutula na matangwa akwavo lalo atanu na avali a ciwano. Co a litangwa lyakumanesela, vamanesele ciwano,

Nehemiya 12:27

Omo vakundikile civumbe ca nganda ya Yelusalema, co vakashakele vaLevi kwoshe kuje kuvakele, ngeci navo vakulipandakane mukulisamba, akukundika nakwimba myaso ya cikandelela, na vingenjo, na tulyalya, na visanzi.

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Myaso 30:1

Njikushangazala yove Shukulu Kalunga, omwo unanjamena, co kuwakengelelele vitozi vange ngeci valyalesele ali yange embwe.

Kulava 7:1

A litangwa lije omo Mosesa wamanesele kutunga Mbalaka Mwakuliwanena, waivwavesele nakuyijelesa na vivala vyayo. Co lalo wavwavesele mutula nakuujelesa na vivala vyawo vyoshe.

Kulava 7:11

Co Shukulu Kalunga wendekele kuli Mosesa ngwendi, “Valeke ngwove a litangwa na litangwa, ntwama umo na umo akakombelele n̄ombelo yendi mukukundika mutula.”

Kulava 7:84

Vungi vwa milambu vatwalele vaje vantwama likumi na vavali mukukundika mutula a litangwa lyakuuvwavesa vwapwile malonga likumi na avali a siliva akushalamena, na mambashiya likumi na avali a siliva, na mambashiya likumi na avali a ngolinde.

Kulava 7:88

Vungi vwa vimuna vavalambwile kupwa mulambu wa kulitombola vapwile vingombe va nkomba makumi avali na vawana, na majamba a vimanga makumi atanu na limo, na majamba a vimembe makumi atanu na limo, na vana va vimanga va mwaka umo makumi atanu na limo. Eyi ikeyo yapwile milambu yakukundika mutula omo vanauvwavesa.

Kwituluka mu Mashiko 20:5

“Asinoni vamyata vakendeka kuli vanu nakuvehula ngwavo, ‘Kuli munu umo kuno natungu njuvo yendi, oloni ikeye kaikundikile ndi? Nga kwali, co eluke kwimbo, kutewa vakamutsiila mu nzita, munu weka akakundika ije njuvo yendi.