Kulava 6:2 - Livulu lya Shukulu Kalunga

² “Leka vanu va Isalele ngwove, munalume woshe nambe munakazi uje alisinga cisingo ngeci apwe kaNazalite nakulikundika ikeye vavenya kuli Shukulu Kalunga,

Kulava 6:2 Iomraidhean Croise

Kutuuka 33:16

Vatijo vanu vakazivuka ngeci yove ulinakuvwaelela na vanu vove amo nange, nga yove kuuyi amo netu? Nga yove uya amo netu, co cikatwangununa ku vanu voshe veka vali ano asi.”

Visimo 18:1

Vanu vakujeneka kulizilila na vakwavo vakashaka lika kulinga mwaya cizango cavo, vakavyana vushunga vuje vuvazivuka vakwavo.

Njelemiya 35:6

Oloni vakumbulwile ngwavo, “Yetu kutwesi kunwa vinyu, omwo kukulwila yetu Yonandave muna Lekave watulekele ngwendi nambe yetu nameme vatekulwila vetu kesi tunwe vinyu embwe.

VaLevi 20:26

Pweni vanu vange vakujela. Co kundameni lika kuli yange omwo yange Kalunga njapwa wakujela. Njinamyangununa yeni ku miyati yeka ngeci mupwe vanu vange lika.

VaLevi 27:2

“Leka vanu va Isalele ngwove, omo vaana munu kuli Shukulu Kalunga kushulisa cisingo, uje munu nasa kupatuka akumukula na vimbongo,

Kulava 30:3

“Omo mumbanda wa muzike acili nakukala mu njuvo ya ishe, nga alisinga cisingo cakwana cuma cimo kuli Shukulu Kalunga nambe kulisinga kulikela kulinga cuma cimo,

Kulava 6:1

Shukulu Kalunga wendekele kuli Mosesa ngwendi,

Luka 1:15

Akapwa wakama ku mesho a Shukulu Kalunga. Kakanu vinyu nameme vyuma vyakulula vije vipendesa. Tunde akusemuka kwendi akashula na Munzinzime Wakujela,

Vilinga vya Miluwa 18:18

Paulu wakele mu Kolinte amo na vaka-kukulaela matangwa amangi, asinoni wavasezele nakuya mu vwato ku Silya amo na Pilisila na Akwila. Simbu kanda aciseze Senkilise Paulu watewile ku mutwe wendi omwo cisingo cije walisingile.

Loma 1:1

Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Ngalatiya 1:15

Oloni Njambi mu kutetela kwendi wanjangwile omo kanda njisemuke, co wanjisanene mukumupangela. Co omo wayongwele

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

Maako 13:14

Kapandele kulya cuma cimo cakutunda ku mukolovozi wa vushuka vwa vinyu, nambe kunwa vinyu, nambe vwala, nambe kulya vyakulya vya cizila. Anyunge vyuma vyoshe njinamushiki.”

Maako 13:4

Ololo kenga ngeci kesi unwe vinyu, nambe kunwa vwala, nambe kulya vyakulya vimo vya cizila embwe.

Maako 13:5

Co munima yakusemuka kwa munove wa munalume, kesi ukamuteule vin̄ambu vyendi, omwo kutunda a litangwa lyakusemuka kwendi, akapwa wakukundika kuli Njambi kupwa kaNazalite. Akashangumuka vipangi vyakwovola Isalele kuli vaFilisitiya.”

Maako 16:17

co akukotoka wamulekele vushunga ngwendi, “Vin̄ambu vyange kanda vaciviteule. Yange vanjikundikile kuli Njambi kupwa kaNazalite kutunda ku simbu ije njasemukile. Nga vin̄ambu vyange vaviteula, co njikajeneka nzili, njikapwa wakuzeya ngwe munu woshe.”

1 Samwele 1:28

Ngecivene, njilinakumukundika kuli Shukulu Kalunga. Akapwe wa Shukulu Kalunga simbu yoshe yakuyoya kwendi.” Co ikeye walemesele Shukulu Kalunga kuje vene.