Kulava 5:9 - Livulu lya Shukulu Kalunga

⁹ Ngecivene, milambu yoshe yakujela ije ivakatwala vaIsalele kuli Shukulu Kalunga ikapwa ya muka-kukombelela.

Kulava 5:9 Iomraidhean Croise

Kutuuka 29:28

Eyi ikapwa mbazuvwila ya Alone na vana vendi ku simbu yoshe ivanapande kutambula kuli vanu va Isalele kutunda ku milambu yavo ya kulitombola. Ovu vukevwo vwana vwa vanu vuvakana kuli yange Kalunga.

VaLevi 10:13

Co vilileni mu mwela wakujela, ou ukewo mutambela wa vyakulya vakombelelele kuli Shukulu Kalunga wakundama kuli yove na vana vove va vanalume. Omu mukemwo mwanjishikile Shukulu Kalunga.

VaLevi 10:14

Oloni n̄undo, na lindi vyakulambula ukavilila ku mwela umo wakujela, yove na vana vove va vanalume, na vana vove va vanakazi, omwo vinapu vwana vuvanaana kuli Shukulu Kalunga kupwa mutambela wove, na mutambela wa vana vove wa milambu ya kulitombola ya vanu va Isalele.

VaLevi 10:15

Co lindi, na n̄undo vakavitwale amo na mazi kupwa mulambu wa vyakulya kuli Shukulu Kalunga. Evi vikapwe vyove, na vana vove va vanalume kupwa mutambela weni wa ku myaka yoshe, ngwe muje mwashikile Shukulu Kalunga.”

VaLevi 6:26

Co muka-kukombelela uje akakombelela cimuna, ikeye akamulile ku mwela wakujela, mu cipango ca Mbalaka Mwakuliwanena.

VaLevi 7:32

Co lindi lya ku cilyo lya uje cimuna vakalyane kupwa mulambu wauvwa

VaLevi 7:34

Co n̄undo ya uje cimuna, na lindi lya ku cilyo vinapu vwana vwavuvwa vuje Shukulu Kalunga natambula ku vanu va Isalele nakuvwana kuli vaka-kukombelela. Omu mukemwo vanu va Isalele vanapande kwana kuli vaka-kukombelela ku simbu yoshe ya kulutwe.

Kulava 18:19

“Vin̄ombelo vyakukundika vyoshe vije vanu va Isalele vakakombelela kuli yange Kalunga njinavyana kuli yove na kuli vana vove va vanalume, na ava va vanakazi, kupwa mulambu weni ku myaka yoshe. Eci cikeco cikumiiyo ca mwongwa ca kuhwa ku mesho ange Kalunga, kuli yove na ku vatekulwila vove voshe.”

Kulava 31:41

Ngecivene, Mosesa waanene kuli Elyazale muka-kukombelela mulambu uje wapwile mutambela wa Shukulu Kalunga, ngwe muje mwashikile Shukulu Kalunga kuli Mosesa.

Kulava 5:8

Oloni nga uje munu natsi kesi na kavushoko kendi wa a mbunge uje asa kutambula fweto ya mulonga, co ije fweto ikapwa ya Shukulu Kalunga, co vakayane kuli muka-kukombelela amo na lijamba lya manga mukujelesa vuvi vwa uje munu muka-mulonga.

Kwituluka mu Mashiko 12:26

Twaleni vin̄ombelo vyeni ku mwela umolika wakulemesela, na mulambu weni wa cikulaeso uje munalikulaesa nawo kuli Shukulu Kalunga.