Kulava 5:2 - Livulu lya Shukulu Kalunga

² “Shika vanu va Isalele vatuwise munu woshe mu cilombo uje ali na mushongo wa a cikonde wakulitambwisa nambe mushongo wakususula, nambe munu woshe uje kajelele akwata a civimbi.

Kulava 5:2 Iomraidhean Croise

2 Vimyene 7:3

Vanalume vawana vakele nakuvinja mushongo wa mbumba vakele anja ku vikolo vya nganda ya Samaliya, co valyendekesele umo na mukwavo ngwavo, “Omwo vikajo tulinakuvandamena kuno noo tutsa?

VaLevi 13:45

“Munu uje ali na mushongo wa a cikonde wakulitambwisa, napande kuzala vuzalo vwakutavozoka, co kapandele kusakula vin̄ambu vyendi lalo, co afwike a kanwa kendi. Co napande kutambeka ngwendi, ‘Njaviya! Njaviya!’

VaLevi 13:46

Co ikeye akakale ngacije vene wakujeneka kujela ngwe muje vene mwali na mushongo, co napande kukala anja ya cilombo, nakulitenga ku vakwavo.

VaLevi 13:8

Co muka-kukombelela akamwilule lalo, nga mbandu inatotoloka, co akatumbule ngwendi kajelele, kuma unapu mushongo wa a cikonde wakulitambwisa.

VaLevi 14:8

Co uje munu akakushe vuzalo vwendi, co akateule vin̄ambu vyendi vyoshe, co akajwele. Asinoni akapwa wakujela. Co akakovele mu cilombo, oloni napande kukala anja ya mbalaka yendi matangwa atanu na avali.

VaLevi 21:1

Shukulu Kalunga wendekele kuli Mosesa ngwendi, “Leka vaka-kukombelela va ku naanga ya Alone ngwove, muka-kukombelela kapandele kukala na vishako omo kavushoko kendi natsi embwe,

VaLevi 23:29

Woshe uje akalya cuma cimo a litangwa lije, kuvakamulava lalo kupwa umo wa vanu va Njambi.

Kulava 12:10

Co omo lishelwa lyatundile a Mbalaka, kengeni Milyamu wakele na mushongo wa mbumba. Omo Alone wamukengele wamwene ngeci ali na mbumba,

Kulava 12:14

Oloni Shukulu Kalunga wakumbulwile Mosesa ngwendi, “Nga ishe namwawilile, nga nakala matangwa atanu na avali na shwamwa ndi? Ngecivene, mutuwiseni akale anja ya cilombo matangwa atanu na avali, co kutundoo mwasa kumwilwisilamo lalo.”

Kulava 31:19

Oloni yeni voshe munatsii vanu, nambe vaje vanakwata a civimbi, munapande kukala anja ya cilombo matangwa atanu na avali. Co lijeleseni a litangwa lyamucitatu, na a litangwa lyamucitanu na avali amolika na vaje vinzinda munakafungulwile.

Kulava 5:1

Shukulu Kalunga wendekele kuli Mosesa ngwendi,