Kulava 4:15 - Livulu lya Shukulu Kalunga

¹⁵ Omo simbu yeta yakujaluka mu cilombo, co Alone na vana vendi vakafwike vivala vyoshe vyakujela vya mu Mbalaka. Asinoni vaka-cikota ca Kohate vakaija nakuvyambata, oloni kesi vakakwate ku vivala vyakujela kutewa vakatsa. Evi vikevyo vitele vivakambata vaka-cikota ca Kohate vya mu Mbalaka Mwakuliwanena.

Kulava 4:15 Iomraidhean Croise

2 Samwele 15:24

Zandoke muka-kukombelela wakele kuje, co na vaLevi vakele amo nendi, vambatele Cikasa ca Cikumiiyo cakujela. Vacitumbikile asi, co kuvacikakwile noo vanu voshe vatundile mu nganda. Aviyatale muka-kukombelela nendi kwakele.

2 Samwele 6:13

Omo vanu vaje vambatele Cikasa ca Cikumiiyo vendele manambo atanu na limo, Ndaviti wavalekele ngeci vemane akombelele kuli Shukulu Kalunga n̄ombelo ya ngombe na muna ngombe wakununa.

1 Vimyene 8:3

Omo vantwama voshe vanakunguluka, co vaka-kukombelela vakakwile Cikasa ca Cikumiiyo,

1 Mizimbu 15:15

Co vaLevi vacambatelele a mikambo a vitsili vyavo, ngwe muje mwashikile Shukulu Kalunga ali Mosesa.

1 Mizimbu 15:2

Asinoni Ndaviti wendekele ngwendi, “Naumo wai akambata Cikasa ca Cikumiiyo kuvanga vaLevi, omwo Shukulu Kalunga navaangula vakevo kwambata Cikasa ca Cikumiiyo nakumupangela myaka yoshe.”

1 Mizimbu 23:26

Ngecivene, vaLevi kuvapandele lalo kwambata Mbalaka Mwakuliwanena, na vyuma vyoshe vyakupangesa mukulemesa.”

Kutuuka 19:12

Twa nginga yakuzengeleka ku munkinda ngeci vanu kesi vakajombokemo, co valeke kesi vakalamate ku munkinda nameme kushwenya kuyehi nawo. Nga munu akalyatao, co vakamutsiya,

Kutuuka 19:21

co Shukulu Kalunga wendekele kuli ikeye ngwendi, “Shelumuka asi unangule vanu kesi vajomboke cipalo ca nginga ngeci vaije nakunjimona embwe, nga valingamo, co vungi vwavo vakatsa.

Kutuuka 27:7

kovelesa mikambo mu makulo ku mutambela umo na umo wa mutula omo vawambata.

VaLevi 16:13

Co akaake insense a tuhya ku mesho a Shukulu Kalunga, co vwisi vwa insense vukafwika cifwiko ca Cikasa ca Cikumiiyo, ngeci ikeye kesi acimone kutewa atsa.

Kulava 1:50

Oloni vaLevi vapwe vaka-kunyunga lika ku Mbalaka Mwakuliwanena na vivala vyamwo vyoshe. Vakevo vakayambata na vivala vyayo, nakuyinyunga, co vakashimbike vimbalaka vyavo kuzengeleka Mbalaka Mwakuliwanena.

Kulava 1:51

Kwoshe kuje kumukajalwisila cilombo ceni, vaLevi vakevo vakasiwula Mbalaka, co vakaishimbika lalo ku cilombo na cilombo ceka caciha mu mwela wayo. Nga munu weka akashwenya kuyehi na Mbalaka vakamutsiye.

Kulava 10:21

Asinoni cikota ca vaLevi ca Kohate vakatukile nakuya, vambatele vivala vyakujela. Co vaje vatwameneko vashimbikile Mbalaka Mwakuliwanena simbu vaKohate kanda vete.

Kulava 18:3

Vakevo vanapande kumipangela yeni nakupanga vipangi vyavo vya mu Mbalaka, oloni kuvapandele kushwenya kuyehi na vyuma vyakujela vije vili mu Mwela Wakujela nambe ku mutula. Nga valingamo, co na vakevo neni muvavoshe mukatsa.

Kulava 3:38

Mosesa na Alone na vana vendi vatungilile cilombo cavo kulutwe lwa Mbalaka mu ngangela. Co vakevo vakele na moko yakupanga vipangi vya mu Mwela Wakujela mukwimanenako vanu va Isalele. Munu weka woshe ashwenya kuyehi vapandele kumutsiya.

Kulava 4:14

Co vakakeo vivala vyoshe vyakupangesa ku mutula, na vikango vya tuhya, na makulo, na vifwosholo, na tumalonga. Asinoni vakavifwike na vilambu vya mavau vyakufutungula mwamuvwa nakushomazekako mikambo yakwambatela.

Kulava 4:19

akushwenya kuyehi na vyuma vyakujela manene. Akuvindika eci ngeci kesi cilingiwe, Alone na vana vendi vakakovele mukati ka Mbalaka ngeci vakaane munu na munu vipangi vyendi, nakumuleka vije napande kupanga. Lingeni ngacije navo ngeci vayoye, kesi vatse omo vashwenya ku vyuma vyakujela manene.

Kulava 4:20

Oloni vaKohate kesi vakakovele mu Mbalaka nakushumbila a vyuma vyakujela nambe kasimbu kakandondo embwe, kutewa vakatsa.”

Kulava 7:9

Oloni Mosesa kaanene matemba nambe vingombe va nkomba kuli vaKohate omwo vakevo vanyungile vyuma vyakujela nakuvyambata a vitsili vyavo.

Kwituluka mu Mashiko 31:9

Ngecivene, Mosesa wasonekele mashiko a Njambi nakuwaana kuli vaLevi vaka-kukombelela, vaje vakele na moko yakwambata Cikasa ca Cikumiiyo ca Shukulu Kalunga, na kuli vakulunu voshe va Isalele.

Yoshwa 4:10

Asinoni vaka-kukombelela vaje vambatele Cikasa vemanene akati ka Yondau noo vyuma vyoshe vyalingiwile, vije vyashikile Shukulu Kalunga kuli Yoshwa kuvileka vanu va Isalele ngeci vavilinge, evi vikevyo vije vyashikile Mosesa kuli Yoshwa. Co vanu vazambwile, vajavukile ndonga.

1 Samwele 6:19

Co Shukulu Kalunga watsiile vanalume makumi atanu na avali va ku Mbete Shemeshe omwo vashumbilile mu Cikasa ca Cikumiiyo. Co vanu valilile omwo Shukulu Kalunga wanenele kutsa kwangacije akati kavo.