Kulava 35:34 - Livulu lya Shukulu Kalunga

³⁴ Kesi mukajwalese mu lifuti muje mumuli nakukala, omwo yange njapwa Kalunga, co njilinakukala akati ka vanu va Isalele.”

Kulava 35:34 Iomraidhean Croise

1 Vimyene 6:13

Njikayoya akati ka vanu vange va Isalele mu Njuvo yange eyi vene iwulinakutunga, co kunjikavaseze embwe.”

Myaso 132:14

“Omu mukemwo munjikakala myaka yoshe, omu mukemwo munjishaka kushwana.

Myaso 135:21

Shangazaleni Shukulu Kalunga mu Siyone na mu Yelusalema mwimbo lyendi. Shangazaleni Shukulu Kalunga!

Kutuuka 25:8

Vanu vanapande kunjitungila mbalaka yakujela, ngeci njikakale akati kavo.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 8:12

“Kesi ukovele ku vutumbe vwa vanu, co kesi uzive lyova lya vyuma vije vivatewa.

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Ezekiyele 35:10

“Yove wendekele ngwove eyi miyati ivali Yunda na Isalele, amolika na mafuti ayo, akundama kuli yove ngeci asa kupwa ove, nameme yange Kalunga, njapwile Njambi yavo.

Hoziya 9:3

Vanu va mu Isalele kuvakasala mu lifuti lya Shukulu Kalunga, oloni vakeluka ku Ingito, co vakalya vyakulya vyakujeneka kujela mu lifuti lya Asilya.

Kulava 16:3

Co vakungulukile kulwisa Mosesa na Alone, vendekele kuli vakevo ngwavo, “Yeni vantwama muli na kulyalesa manene! Mbunga yoshe eyi yapwa yakujela, co Shukulu Kalunga lalo ali netu voshe. Ngecivene, omwo vikajo munalyana yeni vavenya vuntwama akamwa ya mbunga ya Shukulu Kalunga?”

Kulava 5:3

Tuwiseni vanalume na vanakazi vaje vanajwala vaye anja ya cilombo, ngeci mu cilombo cavo, muje munjakala akati ka vanu vange mupwe mwakujela.”

Kwituluka mu Mashiko 21:23

co uje muvila kuwapandele kulala aje vutsiki vwoshe embwe. Vanapande kuutsinda a litangwa lije vene, omwo muvila wakushukika a muti unena cisingo ca Njambi a lifuti. Tsindeni uje muvila ngeci kesi mukajwalese mu lifuti lije lyakamyana Shukulu Kalunga Njambi yeni.

Kwituluka mu Mashiko 21:8

Ove Shukulu Kalunga, sambesa vanu vove va Isalele, vaje vawakulile ku Ingito. Vasambese, co kesi uvahise a kutsa kwa munu ou kakele na mulonga.’

Kwituluka mu Mashiko 6:15

Kesi mukalemese vinjambi veka, kutewa mukashambeya vukalu vwa Shukulu Kalunga Njambi yeni, omwo Shukulu Kalunga Njambi yeni, ou ali akati keni, ikeye Njambi wa lifuwa, co akaminyongesa njwa.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.