Kulava 35:32 - Livulu lya Shukulu Kalunga

³² Nga munu natewela mu nganda yakutewela, kesi mumutave alipatule eluke kwimbo lyavo simbu kanda Muka-kukombelela Wakama atse.

Kulava 35:32 Iomraidhean Croise

2 Samwele 21:4

Co vamukumbulwile ngwavo, “Vin̄anda vyetu na Saulu, na naanga yendi kuvyasa kuhwa na siliva nambe na ngolinde, co lalo kutushaka kutsiya kaIsalele umo.” Co Ndaviti wavehwile ngwendi, “Cooni mushaka ngeci njimilingile vika?”

Kulava 35:31

Muka-kutsiya nendi napande kutsa. Kesi mukatambule ndando yakukula mwonyo wa muka-kutsiya embwe, ikeye napande kutsa.

Kulava 35:33

Nga mukalinga ngacije, co mukajwalesa mu lifuti muje mumuli nakukala. Kwitila maninga kukajwalesa mu lifuti, co kukwesi ngila yeka lalo yakujelesa mu lifuti muje vanatsiila munu kuvanga maninga a uje munu natsii mukwavo.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

Ngalatiya 2:21

Kunjombwanesa kutetela kwa Njambi. Oloni nga munu vamupwisa muka-vushunga ku mesho a Njambi akunyunga Majwi a Lishiko, co cinalumbunuka ngeci Kilistu nevi vyatsililile vyai!

Ngalatiya 3:22

Oloni visoneka vyendeka ngwavyo kaye koshe kali mwisi ya nzili ya vuvi, co vwana vwa cikulaeso vwa kukulaela muli Yesu Kilistu vanavwana kuli vaje vakulaela.

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.