Kulava 35:2 - Livulu lya Shukulu Kalunga

² “Shika vanu va Isalele ngwove, ku vushwana vuje vakatambula, vanapande kwanako vinganda vimo vaLevi ngeci vakalemo amo na mutambela wa mwila wauvwa uje unazengeleka vinganda.

Kulava 35:2 Iomraidhean Croise

1 Mizimbu 13:2

Co Ndaviti walekele vanu va Isalele voshe ngwendi, “Nga yeni munatava, co lalo nga eci cinapu cizango ca Shukulu Kalunga Njambi yetu, co tutumeni miluwa mu membo kuli vandolome vetu vaje vanasala mu lifuti lyoshe lya Isalele na kuli vaka-kukombelela na kuli vaLevi, ngeci tuvaleke vakukungulukile kuno amo netu.

2 Mizimbu 11:14

VaLevi vasezele vulilo vwa vimuna vavo na mitambela ikwavo, vezile ku Yunda na ku Yelusalema, omwo Mwene Yelovowame wa Isalele na vana vendi vavashekele ngwavo kesi vapange vipangi vya vuka-kukombelela kuli Shukulu Kalunga.

2 Mizimbu 31:19

Co mu membo oshe aje akundamene ku vatekulwila va Alone na mu mahya mwoshe mwakulila vimuna vaangwilemo vanalume, co vavasonekele mazina avo ngeci vaane vyakulya kuli vanalume voshe va mu naanga ya vaka-kukombelela na kuli munu woshe uje ivasonekelele ku cikota ca Levi.

Nehemiya 13:10

Njazivile lalo ngeci vaka-kwimba mu Njuvo ya Shukulu Kalunga na vaLevi vamo, vanatundu mu Yelusalema vaneluka ku mahya avo, omwo vanu kuvakele nakuvana vyakulya vyavingi vyakuvayoyesa.

Ezekiyele 48:22

amolika na mutambela wa vaLevi na nganda ya Yelusalema. Ku nginga ya ku kunto ya lifuti lya muka-kushwana likapwa lifuti lya Yunda, co lifuti lya ku nginga ya mu mbwela likapwe lifuti lya Mbenjemani.

Ezekiyele 48:8

Mutambela wa lifuti umo vanapande kuwaka kumukulo. Upwe makilomita likumi na avali na litambelo mu vwihi kutunda ku kunto nakweta mu mbwela, co vulaja vukapwe mumo kutunda mu ngangela nakweta mu kangombe ka yambi, kupwa mutambela wakwana ku miyati. Co Njuvo ya Shukulu Kalunga ikakale mu mutambela ou.

Kulava 35:1

Shukulu Kalunga wendekele kuli Mosesa mu vyana vya Mowavi mu ngangela ya Ndonga ya Yondau yashungama na Yeliko ngwendi,

Kulava 35:3

Co vinganda vije vikapwa vya vaLevi, vakevo vakakalamo, na mutambela wa mwila wauvwa wakulila vingombe vavo na vimuna vavo voshe.

Kwituluka mu Mashiko 18:6

“KaLevi woshe uje ashaka nasa kutunda mu nganda yoshe-iyoshe ya mu Isalele nakwija ku mwela uje waakangula Shukulu Kalunga wakumulemesela,