Kulava 34:2 - Livulu lya Shukulu Kalunga

² “Shika vanu va Isalele ngwove, omo mukovela mu Kanana, lifuti lije njilinakumyanalyo, vinginga vya lifuti vikapwa ngeci.

Kulava 34:2 Iomraidhean Croise

Kushangumuka 10:19

co nginga ya vaKanana yatundile ku Sindone ku mbwela kweta ku Ngelale kuyehi na Ngaza, na mu ngangela ya Sondoma, na Ngomola, na Andema, na Zemboime kuyehi na Lasha.

Kushangumuka 17:8

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Myaso 105:11

Ikeye wendekele ngwendi, “Njikakwana lifuti lya Kanana, likelyo likapwa vushwana vwove.”

Kutuuka 23:31

Co njikatwa vinginga vya lifuti lyeni nakuvyamesa kutunda ku Linema lya Akava kutwala ku Lishali lya Menditelenyani, nakutunda ku mambo nakweta ku Ndonga ya Yufuleti. Co njikamyana moko akamwa yavavenya lifuti lije, mukavashekamo nakuvatundisamo omo mukaya kulutwe.

Njelemiya 3:19

Shukulu Kalunga alinakwendeka ngwendi, “Isalele, njashakele kukutambula ngeci upwe u munange nakukwana lifuti lyalivwa, lifuti lyalivwa manene mu kaye koshe. Njashekele ngwange unjitumbule nji isho ngeci kesi utunde lalo kuli yange.

Ezekiyele 47:13

Shukulu Kalunga wa Akamwa ya Vyoshe wendekele ngwendi, “Evi vikevyo vinginga vya mu lifuti vije vivakapangezela akati ka miyati likumi na ivali, co muyati wa Yosefa vakatambula mitambela ivali umo wa Manase ukwavo wa Efalime vana va Yosefa.

Ezekiyele 47:14

Yange njalikumiiye cikumiiyo na vakukulwila veni ngeci njikavana lifuti eli kupwa lyavo, co ololo lipangezelenilyo akati keni muvavoshe mupwise amo.

Kulava 34:1

Shukulu Kalunga wendekele kuli Mosesa ngwendi,

Vilinga vya Miluwa 17:26

Co watangele miyati yoshe kutunda kuli munalume umo ngeci vakale asi oshe. Ikeye vavenya wavwaeselele cimweja visimbu na vinginga vya mitambela kuje vayoyela.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Efeso 1:14

Munzinzime ikeye cishimbikiya ngeci tukatambule vije Njambi nakulaesa vanu vendi, co tunasimpi ngeci Njambi akana kupatuka kwamutunu kuli vaje vanapu vendi. Tulemeseni vumpau vwendi!

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Yoshwa 11:23

Ngecivene, Yoshwa wafungulwile lifuti lyoshe ngwe muje mwashikile Shukulu Kalunga kuli Mosesa. Yoshwa walyanene kuli vaIsalele kupwa vushwana vwavo, co wavapangezelelelyo mu mitambela yavo na mu miyati yavo. Co kukwakele nzita.

Yoshwa 13:1

Yoshwa te nakuluvala manene. Shukulu Kalunga wamulekele ngwendi, “Yove ololo unakuluvala manene, oloni kucili mitambela yaingi yasalako ngeci uyitambule,

Yoshwa 21:43

Ngecivene, Shukulu Kalunga waanene vaIsalele livu lyoshe lije lyalikumiiye na vakukulwila vavo ngeci akavanalyo. Omo valitambwile, co vatungilemo.