Kulava 32:33 - Livulu lya Shukulu Kalunga

³³ Ngecivene, Mosesa wapangelele vanu va Ngande, na vanu va Luvena, na litambelo limo lya muyati wa Manase lifuti lyoshe lya Mwene Sihone wa vaAmoli, na lifuti lya Mwene Onge wa ku Mbashane, amo na membo na mitambela yoshe yazengelekele membo aje.

Kulava 32:33 Iomraidhean Croise

1 Mizimbu 12:31

Co kuli Manase wa mu kangombe ka yambi kwatundile vanalume 18,000 vaje vavaangwile kuya nakukapwisa Ndaviti mwene.

1 Mizimbu 26:32

Co Mwene Ndaviti waangwile vakulunu va mu naanga vakupwa 2,700, vakusimpa vavushoko vwa Njeliya, co vavaanene moko yakwendesa vipangi vyoshe vya vuNjambi, na vin̄anda vyakusompa mu Isalele ku mutambela wa mu ngangela ku Ndonga ya Yondau na mu mutambela wa Luvena na Ngande na litambelo lya muyati wa Manase wa mu ngangela.

1 Mizimbu 5:18

Ku miyati ya Luvena, na Ngande, na litambelo lya Manase wa mu ngangela kwakele mashwalale vakupwa 44,760 vakusimpa, vaje vambatele vintelo, na mikwale, na mata a lusipa.

Kulava 32:1

Miyati ya Luvena na Ngande vakele na vimuna vavangi manene. Co omo vamwene vuvwa vwa lifuti lya Njazele, na Ngilyande kulilamo vingombe,

Kulava 32:32

A lishiko lya Shukulu Kalunga tukajavuka musambwa ya Yondau nakukovela mu lifuti lya Kanana na vitwa vya nzita, oloni tukashwana vushwana vwetu musambwa lino lya Yondau mu ngangela.”

Kulava 34:14

Muyati wa Luvena, na muyati wa Ngande, na litambelo lya muyati wa Manase vaje vali mu ngangela, vanatambula laja vufuko vwavo, co vakalipangelavwo ngwe ku naanga yavo.

Kulava 34:15

Co miyati ije ivali na litambelo lya muyati wa Manase, vakevo vakatambula vushwana vwavo mu ngangela musambwa lino lya Yondau yashungama na Yeliko.”

Kwituluka mu Mashiko 29:8

Twatambwile lifuti lyavo, co twalyanene kuli Luvena, na Ngande, na litambelo lya muyati wa Manase kupwa vushwana vwavo.

Yoshwa 12:1

Vanu va Isalele vafungulwile nakutambula lifuti lya mu ngangela musambwa ya Ndonga ya Yondau, kutunda ku Cana ca Alenone nakulamata ku Cana ca Yondau nakweta ku kunto ku Munkinda wa Helemone. Co vakevo vafungulwile vimyene vavali.

Yoshwa 12:6

Vimyene ava vavali wavafungulwile Mosesa na vanu va Isalele. Mosesa ngamba ya Shukulu Kalunga waanene lifuti lyavo ku miyati ya Luvena na Ngande na litambelo lya muyati wa Manase, kupwa vushwana vwavo.

Yoshwa 14:3

Mosesa walivangele kwana vushwana ku miyati ije ivali na litambelo vaje vakele mu ngangela musambwa ya Yondau, oloni kaanene vushwana akati ka vaLevi vwai,

Yoshwa 22:4

Co ololo, Shukulu Kalunga Njambi yeni naana kwoloka kuli vandolome veni vaIsalele ngwe muje mwamikulaesele. Ngecivene, ilukeni kwimbo ku lifuti lije limwalombele kupwa vushwana vweni, lifuti lya mu ngangela ya Yondau, lije lyamyanene Mosesa ngamba ya Shukulu Kalunga.

Yoshwa 22:7

Co capwile ngeci, litambelo limo lya muyati wa Manase, Mosesa wavaanene vushwana vwavo mu Mbashane mu ngangela ya Yondau, oloni ku litambelo likwavo Yoshwa wavaanene vushwana akati ka vandolome vavo mu kangombe ka yambi ya Yondau. Co omo Yoshwa wavelwisile ku membo avo, wavavezikisile.

1 Samwele 13:7

Vamo vajavukile Ndonga ya Yondau vaile musambwa ku mafuti a Ngande, na Ngilyande. Oloni Saulu wakele ku Ngilingale, co vanu vaje vakele amo nendi vazivile lyova.