Kulava 32:29 - Livulu lya Shukulu Kalunga

²⁹ Co Mosesa wendekele kuli vakevo ngwendi, “Nga vanu va Ngande, na vanu va Luvena vanalivwaesela cimweja kujavuka nakuya musambwa ya Yondau ku nzita amo neni ngwe mwanashiki Shukulu Kalunga, nga vakamikwasa kufungulula lifuti, co mukavana lifuti lya Ngilyande kupwa vufuko vwavo.

Kulava 32:29 Iomraidhean Croise

Kulava 32:17

Asinoni tukalivwaesa nakuya na vakwetu vaIsalele ku nzita nakutwamenena nzita noo tukavetesa mu lifuti lyavo. Co a simbu ino, vana vetu vakakala kuno mu membo a vimpaka, kutewa vanu va lifuti lino.

Kulava 32:28

Ngecivene, Mosesa waanene mashiko awa kuli Elyazale muka-kukombelela, na kuli Yoshwa muna Nune, na kuli vantwama va Isalele.

Kulava 32:30

Oloni nga vanu va Ngande, na vanu va Luvena kuvakajavuka musambwa ya Yondau na kuya ku nzita amo neni, co vakevo vakatambule vufuko vwavo mu lifuti lya Kanana amo neni.”

Yoshwa 12:6

Vimyene ava vavali wavafungulwile Mosesa na vanu va Isalele. Mosesa ngamba ya Shukulu Kalunga waanene lifuti lyavo ku miyati ya Luvena na Ngande na litambelo lya muyati wa Manase, kupwa vushwana vwavo.

Yoshwa 13:11

Kukumbasanako na Ngilyande, na mitambela ya vaNgeshule, na vaMaka, na Munkinda woshe wa Helemone, na Mbashane yoshe kweta na ku Saleka.

Yoshwa 14:3

Mosesa walivangele kwana vushwana ku miyati ije ivali na litambelo vaje vakele mu ngangela musambwa ya Yondau, oloni kaanene vushwana akati ka vaLevi vwai,

Yoshwa 18:7

Nameme ngoco, vaLevi kuvakatambula mutambela umo wa lifuti kupwa vushwana vwavo amo neni, omwo vushwana vwavo vwapwa vwa vuka-kukombelela. Mwa vushunga vene, miyati ya Ngande, na Luvena, na litambelo lya Manase wa mu Ngangela vanatambula laja livu lyavo mu ngangela ya Yondau, lije lyavaanene Mosesa ngamba ya Shukulu Kalunga.”

Yoshwa 22:9

Ngecivene, vanu va miyati ya Luvena, na Ngande, na litambelo lya muyati wa Manase wa mu Ngangela ya Yondau velukile ku membo avo. Vasezele vanu va Isalele ku Shilo mu lifuti lya Kanana, co vaile ku lifuti lyavo lya Ngilyande, lije livatambwile ngwe muje mwavashikile Shukulu Kalunga ali Mosesa.

Maako 10:3

Munima ya Tola, kwezile Njaile wa ku Ngilyande. Ikeye washwanene Isalele myaka 22.

1 Samwele 18:17

Asinoni Saulu wendekele kuli Ndaviti ngwendi, “Ambata munange wa mukulunu Melambe. Njikwanaye apwe munakazi wove, co yove ukapwa u lishwalale lyange wakusimpa na kulongwa, nakulwa vinzita vya Shukulu Kalunga.” (Saulu wayongwele ngwendi vaFilisitiya vakatsiya Ndaviti, omwo Saulu ikeye kasele kucilinga.)