Kulava 31:54 - Livulu lya Shukulu Kalunga

⁵⁴ Ngecivene, Mosesa, na Elyazale muka-kukombelela vambatele ngolinde nakuyitwala ku Mbalaka Mwakuliwanena ngeci Shukulu Kalunga anyunge vanu vaIsalele.

Kulava 31:54 Iomraidhean Croise

Ezela 7:5

Mbuki wapwile muna Avishwa, Avishwa wapwile muna Finehase, Finehase wapwile muna Elyazale, Elyazale wapwile muna Alone Muka-kukombelela Wakama.

Myaso 115:1

Kuli yove lika Shukulu Kalunga, kuli yove lika, kesi kuli yetu, vanapande kwana vumpau, omwo cizemo cove cije kucesi kutenguluka, na kulongwa kwove.

Myaso 145:7

Vanu vakendeka vyavuvwa vwove vwoshe, nakwimba a ngozi yove.

Myaso 18:49

Ngecivene, njikakushangazala akati ka miyati, njikaimba nakukushangazala.

Kutuuka 28:12

Co tuje tumamanya tuli mu tukwatelo twake a tumiva twa a vitsili vya kangamuna, twimanene miyati likumi na ivali ya vaIsalele. Co mu ngila eyi, Alone akambata mazina avo a vitsili vyendi, co yange Kalunga njikanuka vanu vange simbu yoshe.

Kutuuka 30:16

Ukatambula vimbongo vyakwambesa kuli vanu va Isalele, co ukavipangesa mukuvwaesa ku vipangi vya Mbalaka Mwakuliwanena. Co vimbongo evi vikapwe vyakwambesa myonyo yavo, co yange nalumo lwai njikevala vanu vange.”

Zakaliya 6:14

Cilongo cikapwa canukiso ca mu Njuvo yange mukusingimika Helendayi, na Toviya, na Yendaya, na Yosiya.”

Kulava 16:40

Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.

Luka 22:19

Co wanonele lalo likende, wakandelelele kuli Njambi, co walipazwile wavanenelyo ngwendi, “Eli linapu muvila wange uvanaana omwo yeni. Lingeni eci mukunjanuka yange.”

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

Yoshwa 4:7

Co mukavaleka ngweni, ‘Mema a mu Yondau alikelele kwita omo Cikasa ca Cikumiiyo ca Shukulu Kalunga cajavukile Ndonga ya Yondau. Co mamanya awa anapu canukiso ca ku myaka yoshe ca vanu va Isalele a vyuma vije vyalingiwile kuno.’ ”