Kulava 30:13 - Livulu lya Shukulu Kalunga

¹³ omwo munalume wendi ali na moko yakucikolesa nambe kumanesa cisingo nambe cikulaeso cije canalingile.

Kulava 30:13 Iomraidhean Croise

Ezela 8:21

Co kuje vene ku ndonga ya Ahava njaanene mashiko kuli yetu voshe, akulikela kulya na kulikeesa ku mesho a Njambi yetu, nakumulomba ngeci atutwamenene ku vungenzi vwetu nakutunyunga yetu, na vana vetu, na vufuko vwetu vwoshe.

Myaso 35:13

Oloni omo vakele nakuvinja, njazalele cikeleya, co njalikeesele nakulikela kulya, njalombelele nakulikulamena,

Isaya 58:5

Omo mulikela, mulinakuliyandesa lika yeni vavenya, akukulamesa manene mitwe yeni ngwe muti wakujendama, nambe akuzala cikeleya nakutumbama mu lito. Oku kukekwo mutumbula ngweni kulikela kulya ndi? Kuma muyongola ngweni njikasa kuvwaelela na vyuma evi ndi?

VaLevi 16:29

“Eli likelyo lishiko munapande kunyunga simbu yoshe ya kulutwe. A litangwa lyamulikumi ku ngonde yamucitanu na vivali, vaIsalele na vaka-kwija, vaje valinakukala akati keni, vanapande kulikela kulya*. Co lalo kuvapandele kupanga cipangi cimo embwe,

VaLevi 23:27

“A litangwa lyamulikumi ku ngonde yamucitanu na vivali likapwa Litangwa lya Kulyamba a mwaka na mwaka. A litangwa lije kesi mukalye cuma cimo. Mukakunguluka amo nakulemesa nakulambula mulambu wa vyakulya kuli Shukulu Kalunga.

VaLevi 23:32

Kutunda kukulauka kwa litangwa, a litangwa lyamucitanu na awana ku ngonde eyi vene, nakutwala kukulauka kwa litangwa lyamulikumi, mukanyunga mwamuvwa litangwa eli kupwa litangwa lyakama lyakuhwima, co a simbu eyi kesi mukalye cuma cimo.”

Kulava 29:7

“A litangwa lyamulikumi ku ngonde yamucitanu na vivali mukakala na cikungulukilo cakujela, co kesi mukalye vyakulya, nambe kupanga vipangi.

Kulava 30:12

Oloni nga munalume wendi amuvindika kushulisa cisingo omo navizivi laja, co kucapandele lalo uje munakazi acinyunge embwe. Co Shukulu Kalunga akamusambesaco, omwo munalume wendi namuvindika kunyunga cije cisingo cendi,

Kulava 30:14

Oloni nga mwita matangwa na matangwa munima yakuziva cije cisingo, co munalume wendi kavindikile cije cisingo, co uje munakazi napande kulinga vyuma vyoshe vije vyanalisingile nambe vyanakulaesele, omwo munalume wendi nakolesa cije cisingo a kumuvindika a litangwa lije wacizivile.

1 Kolinte 11:3

Oloni njishaka muzivuke ngeci Kilistu napu mutwe wa munalume woshe, munalume napu mutwe wa munakazi wendi, co Njambi napu mutwe wa Kilistu.

1 Kolinte 11:9

Nambe munalume kuvamutangele omwo lizina lya munakazi embwe, oloni munakazi vamutangele a lizina lya munalume.

1 Kolinte 7:5

Kesi mulikanangane umo na mukwavo, kuvanga akulivanga mulizivasane akati keni a simbu imo ngeci mukale na simbu yakulombela, oloni mulikumbasane lalo mu vulo vweni, kutewa Satana amyeseka omwo kumwasa kulinyunga yeni vavenya.