Kulava 3:40 - Livulu lya Shukulu Kalunga

⁴⁰ Shukulu Kalunga wendekele kuli Mosesa ngwendi, “Lava va ntwatwa voshe va vanalume va vanu va Isalele vaje vanakundama kuli yange. Ngecivene, vasoneke mazina avo, voshe vaje vali na ngonde imo nambe kutuvakana.

Kulava 3:40 Iomraidhean Croise

Myaso 87:6

Shukulu Kalunga akasoneka mukana wa vanu vendi, nakuvapandakana voshe kupwa vandambo va mu Yelusalema.

Isaya 4:3

Munu woshe uje nasalao mu Yelusalema, uje yanaangula Njambi ngeci ayoye vakamutumbula wakujela.

Kulava 3:12

“VaLevi vanapu vange vanengi muli va ntwatwa voshe va vanalume va Isalele.

Kulava 3:15

kulava vikota na naanga ya Levi, kulava vanalume voshe vaje vali na ngonde imo nambe kutuvakana.

Kulava 3:41

Oloni njalyangwila vaLevi ngeci vapwe vange vainge mu mwela wa va ntwatwa va vanalume va vanu va Isalele. Yange njapwa Kalunga. Co lalo njalyangwila vimuna voshe va vaLevi vainge mu mwela wa vimuna va va ntwatwa voshe va vanu va Isalele kupwa vange.”

Kulava 3:45

“Kundika vaLevi ngeci vapwe vange vainge mu mwela wa va ntwatwa voshe va vanalume va vanu va Isalele, co kundika lalo vimuna va vaLevi kwinga mu mwela wa vimuna va nkomba vakulivanga kusemuka va vanu va Isalele.

Luka 10:20

Kesi mujolele omwo minzinzime yakujwala imyononoka embwe, oloni joleleni omwo mazina eni vanawasoneka mwilu.”

Filipu 4:3

Co nove lalo, muka-kupanga amo nange wa kulongwa, njishaka ukwase ava vanakazi, omwo vakevo vanapanga amo nange manene mukushandola muzimbu wauvwa, amolika na Kelemente na voshe veka vaka-kupanga amo nange, vaje mazina avo ali mu livulu lya Njambi lya vaka-kuyoya.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 12:23

Yeni munaija kukuvwaelela ku cikungulukilo ca vana va ntwatwa va Njambi, vaje mazina avo vanawasoneka mwilu. Yeni munaija kuli Njambi, uje muka-kusompa vanu voshe, na ku minzinzime ya vanu vaje vanapwisa vaka-vushunga.

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.

Kujombolola 3:5

Kuli vaje vahyana, vakavazika vuzalo vuje vene vwakutoka, co kunjikatundisa mazina avo mu livulu lya mwonyo. Njikendeka citona-mesho ku mesho a Tate na ku mesho a tungelo twendi ngwange ava vanapu vange.