Kulava 3:13 - Livulu lya Shukulu Kalunga

¹³ Omo njatsiile va ntwatwa voshe va vaka-Ingito, njalijeleselele yange vavenya va ntwatwa voshe va vanalume va mu naanga ya vaIsalele, co na vimuna va nkomba vakulivanga kusemuka, vakapwa vange. Yange njapwa Kalunga.”

Kulava 3:13 Iomraidhean Croise

Nehemiya 10:36

Mwana wa munalume wa ntwatwa uje nasemuka kuli yetu, tukamutwala kuli vaka-kukombelela ku Njuvo ya Shukulu Kalunga, nakumukundika kuli Njambi ngwe ku Mashiko. Co lalo tukakundika muna ngombe wakulivanga kusemuka ku vingombe vetu va lwavo, na muna manga wakulivanga, nambe muna membe wakulivanga kusemuka ku vimanga vetu, nambe ku vimembe vetu.

Kutuuka 13:12

co munapande kulambula mwana woshe wa munalume wa ntwatwa kuli Shukulu Kalunga. Vimuna veni va nkomba vakulivanga kusemuka vanakundama kuli Shukulu Kalunga,

Kutuuka 13:15

Omo mwene wa Ingito wakaluwisile mbunge yendi wavyanene kutwecela ngeci tuye, co Shukulu Kalunga watsiile va ntwatwa voshe va vanalume mu lifuti lya Ingito, amo na vimuna va nkomba vakulivanga kusemuka. Omu mukemwo mutukakombelelela Shukulu Kalunga cimuna woshe wa nkomba wakulivanga kusemuka, oloni tukakula vana vetu va ntwatwa va vanalume.

Kutuuka 13:2

“Kundika va ntwatwa voshe va vanalume kuli yange, omwo ntwatwa na ntwatwa wa munalume wa vaIsalele na ava va tusitu vakulivanga kusemuka vakundama kuli yange.”

Kutuuka 22:29

“Kesi mwishwale kulambula kuli yange milambu ya vyakulya vyeni, na vimbuto vyeni, na vinyu vyeni, na mazi eni a olive, omo simbu ya kuteja inete. “Aneni vana veni va va ntwatwa va vanalume kuli yange.

Kutuuka 34:19

“Mwana woshe wa ntwatwa wa munalume na nkomba woshe wa cimuna wakulivanga kusemuka wapwa wange.

Ezekiyele 44:30

Vaka-kukombelela vakatambula vije vyavivwa vyoshe, vya kuteja akulivanga, na vyuma vyoshe vyeka vije vivakanena kuli yange. A simbu na simbu ije vanu voca makende, vanapande kwana vaka-kukombelela likende lyakulivanga kwoca kupwa mulambu, co vivezikiso vyange vikakala a vinjuvo vyavo.

VaLevi 27:26

“Oloni cimuna woshe wa ntwatwa wapwa wa Shukulu Kalunga, co naumo wai akamukundika kupwa mulambu wa cizango. Muna ngombe, nambe muna manga, nambe muna membe vanapu va Shukulu Kalunga.

Kulava 18:15

“Mwana wa ntwatwa woshe nambe cimuna wa ntwatwa uje ivananjana vaIsalele apwe weni. Oloni munapande kukula mwana woshe wa ntwatwa wa munu, na mwana woshe wa ntwatwa wa cimuna uje kajelele.

Kulava 18:6

Yange njinakwangwila vavushoko vwove vaLevi akati ka vaIsalele kupwa vwana vwove. Vavakundika kuli yange Kalunga, ngeci vapange vipangi vya mu Mbalaka Mwakuliwanena.

Kulava 3:41

Oloni njalyangwila vaLevi ngeci vapwe vange vainge mu mwela wa va ntwatwa va vanalume va vanu va Isalele. Yange njapwa Kalunga. Co lalo njalyangwila vimuna voshe va vaLevi vainge mu mwela wa vimuna va va ntwatwa voshe va vanu va Isalele kupwa vange.”

Kulava 33:4

vaje vakele nakutsinda vana vavo va va ntwatwa va vanalume vaje vatsiile Shukulu Kalunga. Co akulinga evi Shukulu Kalunga wavamwesele ngeci ikeye ali na nzili kuhyana vinjambi va vaka-Ingito.

Luka 2:23

ngwe muvanasoneka mu Lishiko lya Shukulu Kalunga ngwavo, “Mwana woshe wa ntwatwa wa munalume vakamwana kuli Shukulu Kalunga.”

VaHevelu 12:23

Yeni munaija kukuvwaelela ku cikungulukilo ca vana va ntwatwa va Njambi, vaje mazina avo vanawasoneka mwilu. Yeni munaija kuli Njambi, uje muka-kusompa vanu voshe, na ku minzinzime ya vanu vaje vanapwisa vaka-vushunga.