Kulava 3:10 - Livulu lya Shukulu Kalunga

¹⁰ Ukemika Alone na vana vendi kupanga vipangi vya vuka-kukombelela, oloni munu woshe-iwoshe akashwenya kuyehi, vakamutsiye.”

Kulava 3:10 Iomraidhean Croise

2 Samwele 6:7

Aje vene Shukulu Kalunga Njambi waluvalele na Uza, co wamutsiile omwo wakwatele livoko lyendi ku Cikasa ca Cikumiiyo. Uza watsililile kuje ku Cikasa ca Cikumiiyo,

1 Vimyene 12:31

Co Yelovowame lalo watungile myela yakulemesela akamwa ya malundu, waangwile vaka-kukombelela va ku vanu veka kesi va ku muyati wa vaLevi.

1 Mizimbu 6:32

Vakele nakulyakula ku vipangi vya mu Mbalaka Mwakuliwanena noo Mwene Solomoni watungile Njuvo ya Shukulu Kalunga.

Nehemiya 6:11

Co yange njamukumbulwile ngwange, “Yange kunjesi na cifwa cakutewa munu nakuvanda. Kuma yove unayongola ngwove yange njasa kweseka kwamena mwonyo wange akuvanda mu Njuvo ya Shukulu Kalunga ndi? Kunjasa kulingamo embwe.”

Kutuuka 29:9

co vazitike miva mu vimbunda vyavo nakuvazika tukofwi ku mitwe yavo. Omu mukemwo muukakundika Alone na vana vendi. Co vakevo na vatekulwila vavo vakanjipangela kupwa vaka-kukombelela ku myaka yoshe.

Ezekiyele 44:8

Vakevo kuvendesele mwamuvwa vilika vyakujela mu Njuvo yange, oloni munaka vaka-kwija kupwa vaka-kushika.

VaLevi 22:10

“Munu wa ku naanga ya vuka-kukombelela ikeye akalya ku vin̄ombelo vyakujela. Kukwesi weka lalo akavilya, nambe mungenzi uje alinakukala kuli muka-kukombelela, nambe uje wakukumuna.

Kulava 1:51

Kwoshe kuje kumukajalwisila cilombo ceni, vaLevi vakevo vakasiwula Mbalaka, co vakaishimbika lalo ku cilombo na cilombo ceka caciha mu mwela wayo. Nga munu weka akashwenya kuyehi na Mbalaka vakamutsiye.

Kulava 16:10

Ikeye namishwenyesa kuyehi nendi, yove na vandolome vove voshe vaka-cikota ca Levi, oloni yeni mulinakushaka kwambata vipangi vya vuka-kukombelela lalo.

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Kulava 16:40

Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.

Kulava 18:3

Vakevo vanapande kumipangela yeni nakupanga vipangi vyavo vya mu Mbalaka, oloni kuvapandele kushwenya kuyehi na vyuma vyakujela vije vili mu Mwela Wakujela nambe ku mutula. Nga valingamo, co na vakevo neni muvavoshe mukatsa.

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Kulava 3:11

Shukulu Kalunga wendekele lalo kuli Mosesa ngwendi,

Kulava 3:38

Mosesa na Alone na vana vendi vatungilile cilombo cavo kulutwe lwa Mbalaka mu ngangela. Co vakevo vakele na moko yakupanga vipangi vya mu Mwela Wakujela mukwimanenako vanu va Isalele. Munu weka woshe ashwenya kuyehi vapandele kumutsiya.

Loma 12:7

nga vwakupangela, co tunapande kupanga vene, nga vwakulongesa, tulongeseni vene,

Efeso 2:19

Ngecivene, yeni kesi vaYunda kumwapwile lalo mu vangenzi nambe vaka-kwija embwe, yeni ololo munapu mu vandambo amo na vanu va Njambi, yeni ololo munapu naanga ya Njambi.

Kwituluka mu Mashiko 18:5

Evi vyoshe akavilinga omwo Shukulu Kalunga Njambi yeni waangwile vaLevi na vatekulwila vavo mu miyati yeni yoshe ngeci vakemane nakupanga mu lizina lya Shukulu Kalunga simbu yoshe.

VaHevelu 8:4

Ngeci nga wakele ano asi, nga kapandele lalo kupwa muka-kukombelela embwe, omwo kuli vakakukombelela vaje valinakukombelela vwana ngwe ku futisi ya Mashiko a vaYunda.

Maako 17:5

Co uje munalume Mika wakele na njuvo yakulemesela vinjambi. Watongele kangamuna kakwola nakushonga tumponya, co wemikile umo wa vana vendi kupwa muka-kukombelela wendi.

1 Samwele 6:19

Co Shukulu Kalunga watsiile vanalume makumi atanu na avali va ku Mbete Shemeshe omwo vashumbilile mu Cikasa ca Cikumiiyo. Co vanu valilile omwo Shukulu Kalunga wanenele kutsa kwangacije akati kavo.