Kulava 28:6 - Livulu lya Shukulu Kalunga

⁶ Ou ukewo mulambu wa kwenyeka wa matangwa oshe, uje unjashikile akulivanga ku Munkinda wa Sinai kupwa mulambu wa vyakulya, co lwengo lwaluvwa lwa mulambu ou lukavwaelelesa Shukulu Kalunga.

Kulava 28:6 Iomraidhean Croise

2 Mizimbu 2:4

Njilinakutunga Njuvo ya Shukulu Kalunga mukusingimika Shukulu Kalunga Njambi yange. Ikeyo ikapwa mwela wakujela kuje vanu vange nange tukalemesela Shukulu Kalunga nakwenyeka insense yakunika lwengo, kuje kukekwo kutukamutwalela vin̄ombelo vya makende akujela a simbu na simbu, kuje kukekwo kutukamukombelela vin̄ombelo vya kwenyeka a mutondo a mutondo na a cingwezi a cingwezi, na a Matangwa Akuhwima, na a Viwano vya Kutenama kwa Ngonde, na a matangwa eka akujela mukusingimika Shukulu Kalunga Njambi yetu. Ikeye nashiki vaIsalele kulinga ngeci ku myaka yoshe.

2 Mizimbu 31:3

Co mwene waanene vya ku vufuko vwendi ngeci vipwe milambu ya kwenyeka ku mutondo na cingwezi a litangwa na litangwa na milambu ya kwenyeka a Litangwa Lyakuhwima, na a Ciwano ca Kutenama kwa Ngonde, na a viwano vije vishakiwa ngwe ku Mashiko a Shukulu Kalunga.

Ezela 3:4

Co valisambele Ciwano ca Mapapela ngwe ku mashiko, co a litangwa na litangwa vakombelelele vin̄ombelo vije vyashakiwile a litangwa lije,

Myaso 50:8

Kunjimiluvalesa omwo ya vin̄ombelo vyeni vya kwenyeka, vije mukanena kuli yange simbu yoshe.

Kutuuka 24:18

Co Mosesa walamatele ku munkinda muje mu lishelwa, wakakele kuje matangwa makumi awana a vutsiki na mutanya.

Kutuuka 31:18

Omo Njambi wamanesele kushika Mosesa a Munkinda wa Sinai, co wamwanene vitale vivali vya vukaleo vya mamanya aje Njambi vavenya wasonekeleo mashiko na livoko lyendi.

Ezekiyele 46:14

Co lalo mulambu wa makilo avali a vunga vwa tiliku unapande kukalako a mutondo na mutondo, amolika na lita imo ya mazi a olive yakukumbasana na vunga vwa tiliku. Mashiko aa mulambu ou kuli Shukulu Kalunga anapande kupanga simbu yoshe.

Ezekiyele 46:15

Muna manga, na vunga vwa tiliku, na mazi a olive vanapande kuvikombelela kuli Shukulu Kalunga a mutondo na mutondo simbu yoshe.”

VaLevi 27:34

Awa akewo mashiko aje Shukulu Kalunga waashikile Mosesa a Munkinda wa Sinai ali vanu va Isalele.

VaLevi 6:9

“Leka Alone na vana vendi mashiko awa a milambu ya kwenyeka. Mulambu wa kwenyeka unapande kusala a mutula vutsiki vwoshe, co na tuhya kesi tuzime.

Amose 5:25

“Yeni vanu va Isalele, yange kunjashakele vin̄ombelo nambe mulambu a myaka makumi awana ije njamitwamenenene mu mambo.

Kulava 28:5

A muna manga umo na umo, mulambu wa vimbuto vya vinona vyakulola vunga vwavuvwa vwakuseneta vwakupwa mu kilo imo vwakukumbasana na lita imo ya mazi a olive amavwa.

Kulava 28:7

Co mulambu wa vinyu ukapwa lita imo a muna manga umo na umo, co itila ku mutula mulambu wa vinyu vije vyakulula kuli Shukulu Kalunga.

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.