Kulava 28:26 - Livulu lya Shukulu Kalunga

²⁶ “A litangwa lyakutwala vimbuto vyaviha vyakulivanga kuteja, mukakombelela n̄ombelo ya vyakulya vyaviha kuli Shukulu Kalunga, co mukalikungulwila amo nakulemesa, co kesi mukapange vipangi.

Kulava 28:26 Iomraidhean Croise

Kutuuka 12:16

A litangwa lyakulivanga, co lalo a litangwa lyamucitanu na avali, mukakunguluka nakunjilemesa. Co kesi mukapange a matangwa aje, oloni kuvwaesa lika vyakulya.

Kutuuka 23:16

“Mukalisamba a Ciwano ca Kuteja omo mukashangumuka kuteja vimbuto vyeni. “Mukalisamba a Ciwano ca Mapapela a civatu ca nyonzi, omo mulinakukungulula vushuka vwa mu mahya eni a mikolovozi ya vushuka vwa vinyu.

Kutuuka 34:22

“Mukanyunga Ciwano ca Kuteja, omo mukashangumuka kuteja vimbuto vyeni vyakulivanga. Co lalo mukanyunga Ciwano ca Mapapela a civatu ca nyonzi, omo mukakungulula vushuka vweni.

VaLevi 23:10

“Leka vanu va Isalele ngwove, omo mwija mu lifuti lije lyakamyana Shukulu Kalunga, omo mukateja vimbuto vyeni, twaleni mukuta wakulivanga umunateje kuli muka-kukombelela.

VaLevi 23:8

Mukakombelela n̄ombelo ya vyakulya kuli Shukulu Kalunga a matangwa atanu na avali. Co a litangwa lyamucitanu na avali mukakunguluka nakulemesa lalo, oloni kesi mukapange vipangi vyeni vya a litangwa na litangwa.”

Kulava 28:18

Co a litangwa lyakulivanga lya ciwano, mukalikungulwila amolika nakulemesa, co kesi mukapange vipangi navimo vyai.

Kulava 28:27

Oloni mukakombelela n̄ombelo ya kwenyeka, co lwengo lwaluvwa lwa n̄ombelo eyi lukavwaelelesa Shukulu Kalunga, vana va vingombe va nkomba vavali, na lijamba lya manga umo, na vana va vimanga vatanu na vavali va mwaka umolika, voshe vakujeneka kapenga.

Kulava 29:1

“A litangwa lyakulivanga ku ngonde yamucitanu na vivali mukakala na cikungulukilo cakujela, co kesi mukapange. Likelyo litangwa limukaimba malupembo

1 Kolinte 15:20

Oloni vushunga vwa vyuma evi vunapu ovu, Kilistu vamusangwile ku vatsi, ngwe vemikile ngeci ngwavo vaje vanalala tulo twa kutsa vakavasangula lalo.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.