Kulava 28:2 - Livulu lya Shukulu Kalunga

² “Shika vanu va Isalele vanjinenele vin̄ombelo vya vyakulya ku visimbu vije vemika, vin̄ombelo vije vinjashaka yange Njambi.

Kulava 28:2 Iomraidhean Croise

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

1 Mizimbu 23:31

omo vakombelela vin̄ombelo vya kwenyeka kuli Shukulu Kalunga a Litangwa Lyakuhwima, na a Ciwano ca Kutenama kwa Ngonde, na a viwano vikwavo lalo. Co kwakele mashiko akwinika ngeci vaLevi vanapande kulinga vipangi evi a simbu na simbu. Co vaLevi vavaanene vipangi vyakulemesa Shukulu Kalunga simbu yoshe.

2 Mizimbu 23:18

Yehoyanda waangwile vaka-kukombelela na vaLevi kupwa vakulunu va vipangi vya ku Njuvo ya Shukulu Kalunga. Vakevo vapangele vipangi vije vyavanene Mwene Ndaviti, nakukombelela vin̄ombelo vya kwenyeka kuli Shukulu Kalunga ngwe ku mashiko a Mosesa. Co lalo vapwile vakulunu vakukenga a myaso na a viwano.

2 Mizimbu 31:3

Co mwene waanene vya ku vufuko vwendi ngeci vipwe milambu ya kwenyeka ku mutondo na cingwezi a litangwa na litangwa na milambu ya kwenyeka a Litangwa Lyakuhwima, na a Ciwano ca Kutenama kwa Ngonde, na a viwano vije vishakiwa ngwe ku Mashiko a Shukulu Kalunga.

Ezela 3:2

co Yoshwa muna Yehozandake, na nakwavo vaka-kukombelela, na Zelumbambele muna Sheyaletiyele, amo na vavushoko vwendi, vatungulwile mutula wa Njambi ya Isalele, ngeci venyekeleo vin̄ombelo ngwe ku vilongesa vije vivasoneka mu Lishiko lya Mosesa, munu wa Njambi.

Ezela 3:3

Nameme ngoco vinzinda vaje velukile ku Yelusalema vakele na lyova lya vanu vaje vakele muje mu lifuti, oloni vatungulwile mutula aje vene awemanene akulivanga. Asinoni vashangumukile lalo kwenyekelao vin̄ombelo vya a litangwa na litangwa mutondo na cingwezi.

Nehemiya 10:34

Yetu, na vanu, na vaka-kukombelela, na vaLevi, tukata n̄ela a mwaka na mwaka mukuwana cikota ca vanu vaje vanapande kunena vitale vyakwenyekela vin̄ombelo vyakukombelela kuli Shukulu Kalunga Njambi yetu, ngwe kukushika kwa Mashiko.

Myaso 81:3

Imbeni lupembo omo ngonde itenama, nameme omo ili mukati, na a litangwa lya viwano vyetu.

Kutuuka 23:15

Mu ngonde ya Avive, ngonde ije mwatundile mu Ingito, lisambeni Ciwano ca Makende Akujeneka Musima mu ngila ije injamishikile vene. Kesi mulye makende akulinga na musima a simbu ije ya matangwa atanu na avali a ciwano eci. Co kesi mwije nakunjilemesa kujeneka mulambu.

Kutuuka 29:18

Co enyekela lijamba woshe a mutula kupwa mulambu wa kwenyeka kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Ezekiyele 16:19

Njakwanene vyakulya, na vunga vwavuvwa vwa tiliku na mazi a olive na vuki, oloni yove wavikombelelele ku tumponya ngeci uvavwaelelese. Evi vikevyo vyanendeka Shukulu Kalunga wa Akamwa ya Vyoshe.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Ezekiyele 45:17

Cikapwa cipangi cendi kwana tusitu vakwenyeka voshe vamutunu, na milambu ya vimbuto vya vinona, na milambu ya vinyu ya muyati woshe wa Isalele a Ciwano ca Kutenama kwa Ngonde, na a Matangwa Akuhwima, na a viwano vikwavo. Napande kwana tusitu va milambu ya a vuvi, na milambu ya vimbuto vya vinona, na milambu ya kwenyeka yoshe yamutunu, na milambu ya kulitombola, mukutundisa vuvi vwa vanu va Isalele.”

VaLevi 1:13

Uje munu napande kukusha vya mwimo vyoshe, na mapondo a kunima, co muka-kukombelela akanena ije n̄ombelo kuli Shukulu Kalunga nakuyenyekela yoshe a mutula. Co vweko vwa mulambu ou wa vyakulya vukavwaelelesa Shukulu Kalunga.

VaLevi 1:17

Co akamukwate a mambava nakumutavula, oloni kesi akajajule mambava endi, asinoni akamwenyekele woshe wamutunu a mutula. Co vweko vwa mulambu ou wa vyakulya vukavwaelelesa Shukulu Kalunga.

VaLevi 1:9

Uje munu napande kukusha vya mwimo na mapondo a kunima, co muka-kukombelela akenyekela n̄ombelo yoshe yamutunu a mutula kupwa n̄ombelo ya kwenyeka, co vweko vwa mulambu ou wa vyakulya vukavwaelelesa Shukulu Kalunga.

VaLevi 21:6

Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela.

VaLevi 21:8

Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela.

VaLevi 3:11

Co muka-kukombelela akavyenyekele vyoshe a mutula kupwa mulambu wa vyakulya wakwenyekela kuli Shukulu Kalunga.

Malakiya 1:12

Oloni kumwesi nakunjisingimika omo mwendeka ngeci mutula wange unapu wangoco, nomo mukakombelelao vyakulya vije vimunayengula.

Malakiya 1:7

Mulambula vyakulya vyavivi a mutula wange. Oloni yeni mwihula ngweni, ‘Twauviisa vatijo?’ Omwo mulinakwendeka ngweni, ‘Mutula wa Shukulu Kalunga wangoco.’

Kulava 15:24

nga calingiwile ku nzimba ya mbunga, co mbunga yoshe vakakombelele muna ngombe wa nkomba kupwa mulambu wa kwenyeka. Co vweko vwavuvwa vwa mulambu ou vukavwaelelesa Shukulu Kalunga. Amo na mulambu ou wa kwenyeka, co vakalambule mulambu wa vimbuto vya vinona, na mulambu wa vinyu, ngwe ku lishiko. Co lalo vanapande kulambula lijamba lya membe kupwa mulambu wa a vuvi.

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Kulava 15:7

amolika na lita imo na litambelo lya vinyu kupwa mulambu wa vyakunwa, co vweko vwavuvwa vwa vin̄ombelo evi vukavwaelelesa Shukulu Kalunga.

Kulava 28:1

Shukulu Kalunga wendekele kuli Mosesa ngwendi,

Kulava 29:39

“Awa akewo mashiko anemanena milambu ya kwenyeka, na milambu ya vimbuto, na milambu ya vinyu, na milambu ya kulitombola, vije mukakombelela kuli Shukulu Kalunga a viwano vyeni vije vivemika. Evi vikevyo vyakuwezelela ku milambu imulinakwana mukushulisa visingo vyeni nambe milambu yeni ya cizango.”

Kulava 9:13

Oloni nga munu najele, co kesi mu vungenzi ikeye alikela kunyunga Ciwano ca Pasovala, co kuvakamulava lalo kupwa umo wa vanu vange embwe, omwo ikeye kakombelelele n̄ombelo kuli yange a simbu yaco. Co uje munu ngongo yendi vavenya.

Kulava 9:7

vendekele ngwavo, “Yetu kutwajelele omwo twakwatele a civimbi, omwo vikajo vanatuvindikila ngwavo kutwasa kukombelela n̄ombelo kuli Shukulu Kalunga amolika na vanu va Isalele a simbu yaco?”

2 Kolinte 2:15

Omwo tunapu ngwe lwengo lwaluvwa lwa insense kuli Njambi luje lulinakuya kuli vaje vanovoka na kuli vaje vaka-kunyonga.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.