Kulava 28:15 - Livulu lya Shukulu Kalunga

¹⁵ Co mukuwezelela ku mulambu wa kwenyeka wa a litangwa na litangwa, na mulambu wayo wa vinyu, mukalambula kuli Shukulu Kalunga lijamba lya membe umo kupwa mulambu wa a vuvi.

Kulava 28:15 Iomraidhean Croise

Kushangumuka 37:31

Asinoni vatsiile membe, vambwitikile cikoveyo ca Yosefa cacilaja mavoko mu maninga.

VaLevi 16:15

“Munima yevi, akatsiye membe wa n̄ombelo ya a vuvi vwa vanu, nakunena maninga endi mu Mwela Wakujela Manene, nakuwashamwina akamwa ya cifwiko, asinoni akashamwine amo lalo kulutwe lwa Cikasa ca Cikumiiyo, ngwe mwalingile na maninga a uje muna ngombe wa nkomba.

VaLevi 16:16

Mu ngila eyi akaambesa Mwela Wakujela Manene omwo yakujeneka kujela kwa vanu va Isalele nomwo vivulumuna vyavo vyoshe, na vuvi vwavo vwoshe. Ikeye napande kulingila evi kuje ku Mbalaka, omwo ikeyo yemana mukati ka cilombo cije kucajelele.

VaLevi 4:23

omo vuvi vwendi vunasholoka, co akanene lijamba lya membe wakujeneka kapenga kupwa mulambu wendi.

Kulava 15:24

nga calingiwile ku nzimba ya mbunga, co mbunga yoshe vakakombelele muna ngombe wa nkomba kupwa mulambu wa kwenyeka. Co vweko vwavuvwa vwa mulambu ou vukavwaelelesa Shukulu Kalunga. Amo na mulambu ou wa kwenyeka, co vakalambule mulambu wa vimbuto vya vinona, na mulambu wa vinyu, ngwe ku lishiko. Co lalo vanapande kulambula lijamba lya membe kupwa mulambu wa a vuvi.

Kulava 28:14

Milambu yavyo ya vinyu ikapwe malita avali a ngombe wa nkomba umo na umo, co lita imo na litambelo a lijamba lya manga umo na umo, co lita imo a muna manga umo na umo. Eli likelyo lishiko lya a mulambu wa kwenyeka wa a litangwa lyakulivanga ku ngonde na ngonde, na a mwaka na mwaka.

Kulava 28:22

Co lalo mukakombelela lijamba lya membe umolika kupwa n̄ombelo ya a vuvi, co mu ngila eyi mukalijelesa.

Kulava 28:3

“Co ukavaleke ngwove, eyi ikeyo milambu ya vyakulya imukalambula kuli Shukulu Kalunga, majamba a vana va vimanga vavali va mwaka umo vakujeneka kapenga a litangwa na litangwa kupwa mulambu wa kwenyeka simbu yoshe.

Kulava 28:30

Co lalo mukakombelela lijamba lya membe umolika kupwa n̄ombelo ya a vuvi, co mu ngila eyi mukalijelesa.

Kulava 29:16

Co lalo mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.

Kulava 29:5

Co lalo mukakombelela lijamba lya membe umolika kupwa n̄ombelo ya a vuvi, co mu ngila eyi mukalijelesa.

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.