Kulava 27:7 - Livulu lya Shukulu Kalunga

⁷ “Cihula ca vana va Zelofehande cinapu cacivwa, ngeci vaane vufuko vwavo akati ka vavushoko vwa ishavo, vufuko vwendi vavushwane vakevo.

Kulava 27:7 Iomraidhean Croise

Yombi 42:15

Mu lifuti mwoshe kumwakele vanakazi vavavwa ngwe vana va Yombi. Co ishavo wavapangelele vushwana amo na vandolome vavo.

Myaso 68:5

Njambi uje wakala mu Njuvo yendi yakujela, ikeye muka-kulela visiwa nakunyunga vifwile.

Njelemiya 49:11

Sezeni visiwa veni amo nange, yange njikavalela. Co vifwile veni vakayoyela kuli yange.

Kulava 27:6

co Shukulu Kalunga wendekele kuli ikeye ngwendi,

Kulava 27:8

Leka vanu va Isalele ngeci ngwove, nga munu atsa ikeye kasezele mwana wa munalume, co munendi wa munakazi napande kushwana vufuko vwendi.

Kulava 36:5

Ngecivene, akushika kwa Shukulu Kalunga Mosesa waanene lishiko eli kuli vanu va Isalele ngwendi, “Evi vanendeka vatekulwila va Yosefa vinapu vya vushunga.

Kulava 36:6

Evi vikevyo vyanashiki Shukulu Kalunga vana va vanakazi va Zelofehande ngwendi, valishombokele ku vanu vaje vavanashaka, oloni kuvanga va mu naanga ya ishavo.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Yoshwa 17:4

Co vaje vana va Zelofehande vaile kuli Elyazale muka-kukombelela, na kuli Yoshwa muna Nune, na kuli vantwama, vendekele ngwavo, “Shukulu Kalunga washikile Mosesa kutwana mutambela wa livu kupwa vushwana vwetu kupwisa mumolika na vavushoko vwetu va vanalume.” Ngecivene, Yoshwa wavaanene vushwana amolika na vavushoko vwa ishavo va vanalume ngwe muje mwashikile Shukulu Kalunga.