Kulava 27:3 - Livulu lya Shukulu Kalunga

³ “Tatetu watsililile mu mambo, ikeye kakele akati ka vaje vakavangeyeye Kola, uje watengulukilile Shukulu Kalunga. Oloni tatetu watsile omwo vuvi vwendi vavenya, kasezele vana va vanalume vai.

Kulava 27:3 Iomraidhean Croise

Ezekiyele 18:4

Mwonyo wa munu woshe wakundama kuli yange, mwonyo wa cisemi na mwonyo wa mwanike lalo. Munu uje alinga vuvi ikeye akatsa.

Kulava 14:35

Njilisinga ku mbunga eyi yaivi, voshe vananjikungulukila muno mu mambo nakunjilwisa. Voshe vakanyongelamo, co mukemwo lalo muvakatsila. Yange Kalunga, njinendekamo.’ ”

Kulava 16:19

Asinoni Kola wakungulwile mbunga yoshe, nakuvyana Mosesa na Alone kuje ku cikolo ca Mbalaka Mwakuliwanena. Co vwasi-vwasi vumpau vwa Shukulu Kalunga vwasholokele ku mbunga yoshe,

Kulava 16:49

Oloni vanu vaje vatsile ku mushongo wakulitambwisa vapwile 14,000, kupandakana kuli vaje vatsile a mulonga wa Kola.

Kulava 26:33

Zelofehande muna Hepa kakele na vana va vanalume oloni wakele na vana va vanakazi lika, mazina avo vapwile, Mahela, na Nowa, na Hongela, na Mileka na Tileza.

Kulava 27:2

Co vana va Zelofehande vaile nakwimana ku cikolo ca Mbalaka Mwakuliwanena ku mesho a Mosesa na Elyazale muka-kukombelela, na kuli vantwama, na ku mbunga yoshe ngwavo,

Kulava 27:4

Omwo vikajo lizina lya tatetu liziluka ku cikota cendi mu Isalele, omwo ikeye kakele na vana va vanalume ndi? Twaneniko netu vufuko akati ka vavushoko vwa tate.”

Yowano 8:21

Yesu wendekele lalo kuli vakevo ngwendi, “Njilinakuya, co mukanjishakezeka, oloni mukatsa mu vivi vyeni. Kumwasa kuya kuje kunjiya.”

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”

Loma 5:12

Ngecivene, vuvi vwezile ano a kaye ali munu umolika, co vuvi vwendi vunanene kutsa. Co kutsa kunete ku miyati yoshe ya vanu omwo voshe vanalingi vuvi.

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.