Kulava 27:18 - Livulu lya Shukulu Kalunga

¹⁸ Ngecivene, Shukulu Kalunga wendekele kuli Mosesa ngwendi, “Sana Yoshwa muna Nune, uje washula na Munzinzime wange, kambeka mavoko ove a mutwe wendi.

Kulava 27:18 Iomraidhean Croise

Kushangumuka 41:38

mwene wendekele kuli vakevo ngwendi, “Kutukasa kuwana munu weka wamuvwa wakutuvakana Yosefa, muli ikeye muli Munzinzime wa Njambi.”

1 Mizimbu 7:27

Elishama wakitile Nune, Nune wakitile Yoshwa.

Kutuuka 17:9

Co Mosesa wendekele kuli Yoshwa ngwendi, “Angula vanalume vamo ngeci imene vaye nakulwa na vaAmaleke. Co yange njikemana a lilundu nakukwatelela mulamu uje wanjilekele Njambi kuwambata.”

Ndanyele 5:14

Njazivi ngwavo munzinzime wakujela wa vinjambi uli muli yove, co lalo yove u muka-vutongwe na mana nakuzivisisa.

Kulava 11:17

Co njikashelumuka nakwendeka nove kuje vene, njikavana moko ngeci mukalikwase kwendesa vanu vange kuukavanyungu ove lika embwe.

Kulava 13:16

Ava vakevo vantwama vaje Mosesa wavatumine nakunenga lifuti lya Kanana. Co Mosesa watengulwile lizina lya Hosheya muna Nune kupwa Yoshwa.

Kulava 13:8

ku muyati wa Efalime ntwama wapwile Hosheya muna Nune,

Kulava 27:23

Mosesa wakambekele mavoko endi a mutwe wa Yoshwa nakumushika ngwe muje mwamushikile Shukulu Kalunga.

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Vilinga vya Miluwa 13:3

Co vakevo valikelele kulya, co valombelele vavakambekele mavoko nakuvatuma.

Vilinga vya Miluwa 19:6

Paulu wakambekele mavoko endi ali vakevo, co Munzinzime Wakujela wezile ali vakevo, vendekele mu vindaka vyeka, co lalo vambulwile muzimbu wa Njambi.

Vilinga vya Miluwa 6:3

Ngecivene, vakwetu, anguleni vanalume vatanu na vavali akati keni vaje vamuzivuka ngeci vanashulu na Munzinzime Wakujela vali na mana, tuvake ngeci vapange cipangi eci.

Vilinga vya Miluwa 6:6

Mbunga yemikile vaje vanalume ku mesho a miluwa, co vavalombelelele nakuvakambeka mavoko.

Kwituluka mu Mashiko 1:37

Shukulu Kalunga waluvalele nange lalo omwo yeni, co wendekele ngwendi, ‘Nambe yove Mosesa kuukakovela mu lifuti lije embwe,

Kwituluka mu Mashiko 3:21

“Asinoni njalekele Yoshwa ngwange, ‘Walimwena vyoshe vije vyanalingile Shukulu Kalunga Njambi yeni kuli vimyene vaje vavali, Sihone, na Onge. Mukemwo mwakalinga Shukulu Kalunga ku vimyene voshe omo mukakovela mu mafuti avo.

Kwituluka mu Mashiko 3:28

Oloni shika Yoshwa, mukolese nakumusimpisa, omwo ikeye akatwamenena vanu ava nakuvajavwisa musambwa nakushwana lifuti lije liwunamono.’

Kwituluka mu Mashiko 31:14

Asinoni Shukulu Kalunga wendekele kuli Mosesa ngwendi, “Kenga, kuwesi na matangwa amangi akuyoya. Sana Yoshwa umunene ku Mbalaka Mwakuliwanena, ngeci njimushike vyakalinga.” Co Mosesa na Yoshwa vaile ku Mbalaka Mwakuliwanena.

Kwituluka mu Mashiko 31:23

Asinoni Shukulu Kalunga wendekele kuli Yoshwa muna Nune ngwendi, “Kolesa nakusimpa. Yove ukatwamenena vanu va Isalele mu lifuti lije njalisingile kuvanalyo, njikakala amo neni.”

Kwituluka mu Mashiko 31:3

Shukulu Kalunga Njambi yeni ikeye vavenya akamitwamenena nakunyongesa miyati ije ilinakukala muje, ngeci mukafungulule lifuti lyavo. Yoshwa akapwa ntwama yeni, ngwe mwanendeka Shukulu Kalunga.

Kwituluka mu Mashiko 34:9

Ngecivene, Yoshwa muna Nune washulile na mana a Munzinzime wa Njambi, omwo Mosesa wamukambekele mavoko nakwinga mu mwela wendi. Co vanu va Isalele vononokele Yoshwa nakunyunga mashiko aje aanene Shukulu Kalunga kuli Mosesa.

1 Timateo 4:14

Kesi wecele vwana vwa munzinzime vuje vuli muli yove, vuje vuvakwanene omo vaka-kwimanena vendekele nomo vakulunu vakambekele mavoko avo ali yove.

1 Timateo 5:22

Kesi uzambule vwasi-vwasi kukambeka mavoko ali vanu mukuvakundika ku vipangi vya Mwene. Kesi ulipandakane mu vuvi vwa vanu veka, linyunge yove vavenya nakulijelesa.

VaHevelu 6:2

a vilongesa vyakumbwitika nakukambeka mavoko, na vya akusanguka kwa vatsi na vya cisompeselo ca myaka yoshe.

Yoshwa 1:17

Muje mutwononokele kuli Mosesa mu vyuma vyoshe, mukemwo vene mutukononoka kuli yove. Oloni cuma lika cimo, Shukulu Kalunga Njambi yove akale amo nove ngwe mwakele amo na Mosesa!

Maako 11:29

Asinoni Munzinzime wa Shukulu Kalunga wezile ali Njefeta. Co Njefeta waile ku Ngilyande na Manase, welukile lalo ku Mizipa mu Ngilyande, co waile ku Amoni.

Maako 3:10

Munzinzime wa Njambi wezile ali ikeye, co wapwile lyaako lya vaIsalele. Otenyele waile ku nzita, co Shukulu Kalunga wakundikile Mwene Kushane Lishataime wa ku Mesopotamya ku mavoko endi.

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”