Kulava 26:5 - Livulu lya Shukulu Kalunga

⁵ Vatekulwila va Luvena uje wapwile ntwatwa ya Yakomba vapwile ava, ku cikota ca Hanoki kwatundile vaHanoki, ku cikota ca Palu kukekwo kwatundile vaPalu,

Kulava 26:5 Iomraidhean Croise

Kushangumuka 29:32

Leya wakele na kafumba, wakitile mwana wa munalume. Wendekele ngwendi, “Shukulu Kalunga natundisa vusiwa vwange, cooni munalume wange akanjizema manene kutuvakana Lakele.” Ngecivene, wamulukile lizina lyendi Luvena.

Kushangumuka 35:22

Omo Yakomba wakele mu lifuti lije, Luvena walalele na Mbileha, lishano limo lya ishe lya mbanja. Omo Yakomba wacizivile, co waluvalele manene. Yakomba wakele na vana likumi na vavali va vanalume.

Kushangumuka 35:23

Vana va Leya va vanalume mazina avo, Luvena ikeye wapwile ntwatwa, co Simyoni, na Levi, na Yunda, na Isakale, na Zembuloni.

1 Mizimbu 5:1

Ava vakevo vatekulwila va Luvena, ntwatwa ya Yakomba. (Omwo walalele na lishano lya ishe lya mbanja, co wazimbalesele moko yendi ya vu ntwatwa, co moko ya vu ntwatwa vwendi vayanene kuli Yosefa.

1 Mizimbu 5:3

Luvena ntwatwa ya Yakomba, wakele na vana vawana mazina avo, Hanoki, na Palu, na Hezelone, na Kalemi.

Kutuuka 6:14

Luvena, ikeye ntwatwa ya Yakomba, wakele na vana vendi vawana va vanalume, mazina avo, Hanoki, na Palu, na Hezelone, na Kalemi. Ava vakevo vapwile vakukulwila va vikota vaje valilukile mazina avo.

Kulava 1:20

Ku cikota ca Luvena ntwatwa ya Isalele, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo.

Kulava 26:4

Vakungulukilile mu vyana vya vaMowavi musambwa ya Ndonga ya Yondau vyalishungamene na Yeliko. Ava vakevo vanu va Isalele vaje vatundile mu lifuti lya Ingito.

Kulava 26:6

ku cikota ca Hezelone kwatundile vaHezelone, ku cikota ca Kalemi kwatundile vaKalemi,