Kulava 26:28 - Livulu lya Shukulu Kalunga

²⁸ Vatekulwila va Yosefa kupwisa ku cikota ca Manase na Efalime vapwile ava.

Kulava 26:28 Iomraidhean Croise

Kushangumuka 46:20

Yosefa wakitile vana vendi vavali va vanalume mu Ingito, mazina avo, Manase, na Efalime. Vaje vakitile na Asenate muna Potifela, muka-kukombelela mu Helyopolise.

Kushangumuka 48:5

Yakomba wendekele lalo ngwendi, “Yosefa, vana vove vavali, ava vawakitilile muno mu Ingito omo yange kanda njicete kuno, vanapu vange. Efalime na Manase vunene vanapu vana vange ngwe Luvena na Simyoni.

1 Mizimbu 5:23

Vanu va Manase wa mu ngangela vatungile mu lifuti lya Mbashane, kutunda ku mutambela wa ku kunto kweta ku Mbale Helemone, na ku Senile, na ku Munkinda wa Helemone, co vatumine manene.

1 Mizimbu 7:14

Manase wakitile vana vavali kuli lishano lyendi lya mbanja kaAlameane, mazina avo, Aselyele, na Makile. Makile ikeye ishe ya Ngilyande.

Kulava 1:34

Ku cikota ca Manase, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo.

Kwituluka mu Mashiko 33:16

Lifuti lyavo likashule na vyuma vyoshe vije vyavivwa, na vivezikiso vyavivwa vya Shukulu Kalunga uje wendekele mu liputa lyakushukuma, Vivezikiso viije ku muyati wa Yosefa, omwo wapwile ntwama akati ka vandolome vendi.

Yoshwa 14:4

omwo vana va Yosefa vapwile miyati ivali, Manase, na Efalime. Oloni kukwakele mutambela uvaanene kuli vaLevi mu lifuti, kuvanga vinganda lika muje muvakele, na kuje kwakulila vimuna vavo na matanga avo.