Kulava 25:13 - Livulu lya Shukulu Kalunga

¹³ Ikeye na vatekulwila vendi vakapwa vaka-kukombelela simbu yoshe, omwo ikeye katavele ngeci valemese vinjambi veka kuvanga yange lika, co mu ngila eyi naambesa vuvi vwa vanu va Isalele.’ ”

Kulava 25:13 Iomraidhean Croise

2 Samwele 21:3

Ngecivene, Ndaviti wasanene vaNgimbiyone, co wavehwile ngwendi, “Vika njikamilingila? Njishaka kumifwetela a vuvi vuje vwalingiwile kuli yeni, ngeci muvezikise vanu va Shukulu Kalunga.”

1 Vimyene 19:10

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njasalako, co lalo vashaka kunjitsiya!”

1 Vimyene 19:14

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njinasalao, co lalo vashakezeka kunjitsiya.”

1 Vimyene 2:27

Ngeci Solomoni watundisile Aviyatale mu vipangi vya vuka-kukombelela kuli Shukulu Kalunga, ngwe muje mwendekele Shukulu Kalunga ku Shilo ali Eli muka-kukombelela na vatekulwila vendi cipwe ca vushunga.

Nehemiya 13:29

Anuka, yove Njambi, vanu ava vanajwalesa njuvo ya vaka-kukombelela na cikumiiyo ciwalingile na vaka-kukombelela na vaLevi.

Myaso 106:31

Eci vamutumbwilileco kupwa vushunga, na visemwa vyoshe lalo vije vikakalako, vakamutumbwilaco kupwa vushunga.

Myaso 119:139

Vukalu vwange vwakama manene, omwo vitozi vange vavyana majwi ove.

Myaso 69:9

Cizemo cange ku Njuvo yove, yove Njambi, cilinakushukuma muli yange ngwe tuhya, co kushaula kuje vakushawile kuli ali yange.

Kutuuka 29:9

co vazitike miva mu vimbunda vyavo nakuvazika tukofwi ku mitwe yavo. Omu mukemwo muukakundika Alone na vana vendi. Co vakevo na vatekulwila vavo vakanjipangela kupwa vaka-kukombelela ku myaka yoshe.

Kutuuka 32:30

Co alikaki Mosesa wendekele kuli vanu ngwendi, “Munalingi vuvi vwakukomokesa manene. Oloni ololo njilinakulamata lalo ku munkinda kuli Shukulu Kalunga, amo njikasa kuwanako kwambesa vuvi vweni.”

Kutuuka 40:15

Asinoni vavwavese, ngwe muunavwavesa ishavo, ngeci vanjipangele kupwa vaka-kukombelela. Kuvwavesa oku kukavapwisa vaka-kukombelela ku visemwa vyavo vyoshe vya kulutwe.”

Isaya 61:6

Oloni yeni mukapwa vaka-kukombelela na vangamba va Shukulu Kalunga Njambi yetu. Vufuko vwa mafuti vukapwa vweni, na kulyalesa ngeci vunapu vweni.

Njelemiya 33:18

co lalo simbu yoshe kukakala vaka-kukombelela va ku muyati wa Levi vaje vakanjipangela, nakukombelela vin̄ombelo vya kwenyeka, na vin̄ombelo vya vimbuto vya vinona.”

Njelemiya 33:22

Njikatumisa manene vatekulwila va ngamba yange Ndaviti nakutumisa vaka-kukombelela va ku muyati wa Levi, ngeci naumo asa kuvalava wai, vakapwa ngwe vingongonosi vya mwilu, nambe ngwe lishen̄avu lya ku cikuma ca mema a kalunga.”

VaLevi 15:15

Co muka-kukombelela akakombelelao kazila umo kupwa n̄ombelo ya a vuvi, na kazila mukwavo kupwa n̄ombelo ya kwenyeka. Mu ngila eyi muka-kukombelela akajelesa uje munu ku mesho a Shukulu Kalunga.

Malakiya 2:8

“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni.

Kulava 16:46

Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.”

Kulava 16:47

Alone walingile ngwe muje mwendekele Mosesa, wanonele cikango cendi ca tuhya, washatukilile akati ka mbunga ya vanu. Omo wamwene mushongo wakulitambwisa unashangumuka laja, ngecivene, waakele insense a tuhya, co wajelesele ije mbunga ya vanu.

Kulava 17:12

Co vanu va Isalele vendekele kuli Mosesa ngwavo, “Kenga! Tutsa! Tunyonga, tuziluka tuvavoshe!

Kulava 25:14

Lizina lya uje kaIsalele ivatsiile na uje munakazi wa kaMindyani lyapwile Zimeli muna Salu. Salu wapwile mukulunu wa ku naanga imo ya muyati wa Simyoni.

Yowano 2:17

Vandongisi vendi vanukile ngeci visoneka vyendekele ngwavyo, “Yove Njambi, cizemo cange ku Njuvo yove, cilinakushukuma muli yange ngwe tuhya.”

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 7:11

Mashiko a Njambi vawanene kuli vanu va Isalele! A futisi ya vaka-kukombelela vaLevi. Ololo, nga vipangi vya vaka-kukombelela vaLevi vyapwile vyavivwa, nga kukwasholokele lalo muka-kukombelela va muyati weka, uje ali mu mwela wa Melekizendeke, kesi wakulifwa na Alone.

Yoshwa 7:12

Mukemwo vaIsalele kuvasele kwimana ku mesho a vitozi vavo. Vanatewa omwo vapwile vakusinga. Kunjikakala neni lalo kuvanga mutundise vyuma vije vyakukundika vili akati keni.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.