Kulava 24:7 - Livulu lya Shukulu Kalunga

⁷ Vakevo vakakala na nyonzi yakama, co vakakuna vimbuto vyavo mu mahya akutukumwina. Mwene yavo akapwa wakama kutuvakana Angange, co vumwene vwavo vukatsimana manene.

Kulava 24:7 Iomraidhean Croise

2 Samwele 5:12

Co Ndaviti wanangukile ngwendi Shukulu Kalunga ikeye namupwisa mwene wa mu Isalele, co nakolesa vumwene vwendi, omwo ya vanu vendi vaIsalele.

1 Vimyene 4:21

Vushwana vwa Solomoni vwawezeleleko na mafuti oshe kutunda ku Ndonga ya Yufuleti kutwala ku Filisitiya na nginga ya Ingito. Vakele nakufweta lisimu kuli ikeye, co vakele mwisi yendi simbu yoshe yakuyoya kwendi.

1 Vimyene 5:1

Mwene Hilame wa ku Tile simbu yoshe wapwile musamba wa Ndaviti, co omo wazivile ngeci Solomoni nashwana a litanda lya ishe Ndaviti kupwa mwene, Hilame watumineko vaka-kwimanena lifuti lyendi.

1 Mizimbu 14:2

Co Ndaviti wanangukile ngwendi Shukulu Kalunga ikeye namupwisa mwene wa Isalele, co nakolesa vumwene vwendi, omwo vanu vendi vaIsalele.

Ezela 4:20

Vimyene vaka-nzili vashwanene mu Yelusalema, na lifuti lyoshe lya mu Kangombe ka Yambi ka Yufuleti, co vakele nakuvalambwila milambu nakuvafweta lisimu.

Esita 3:1

Munima yevi, Mwene Sheleshe waanene citumbamo cakama kuli munalume umo lizina lyendi Hamane, kupwa mukulunu wakwata kuli mwene. Hamane wapwile muna Hamendata, mutekulwila wa Angange.

Myaso 18:43

Yove unanjamena kuli vanu vaka-kutengulukila, nakunjipwisa muka-kushwana miyati, vanu vaje kunjazivukile ololo vanjipangela.

Myaso 68:26

Vezile oku vatambeka ngwavo, “Shangazaleni Njambi mu vikungulukilo vya vanu vendi, yeni voshe vatekulwila va Yakomba, shangazaleni Shukulu Kalunga!”

Myaso 72:11

Vimyene voshe vakatsikama ku mesho endi, co miyati yoshe vakamupangela!

Myaso 89:27

Njikamupwisa munange wa ntwatwa, co akapwa wakama ku vimyene voshe va asi.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 30:25

A litangwa lije omo vimpaka vya vitozi vyeni vanavifungulula nakutsiya vanu vamwo, co ku munkinda woshe na ku lilundu lyoshe kukaita vana va vindonga.

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 51:13

Mbambilone lifuti lije lyakala manene na vindonga na vufuko vwavungi, oloni simbu ya lifuti eli yakuyoya ineti.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Kulava 24:20

Co mu cimona cendi Mbalame wamwene vaAmaleke, co wambulwile vuka-kwimanena vwendi ngwendi, “Amaleke vapwile muyati wa nzili ku miyati yoshe, oloni akukotoka vakanyonga njwa.”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 17:1

Asinoni umo wa vaje tungelo vatanu na vavali vaje vakele na malonga atanu na avali wezile kuli yange, co wendekele ngwendi, “Ija kuno njakukuleke vati vakasompa uje cikwizi wakutsimana, nganda ije yakama ivanatungila kuyehi na vindonga vyavingi.

Kujombolola 17:15

Co kangelo wendekele lalo kuli yange ngwendi, “Mema aje awamwene, aje anatumbama uje cikwizi, anapu miyati, vanu, mafuti na vindaka.

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”