Kulava 24:4 - Livulu lya Shukulu Kalunga

⁴ uje asa kuziva vije vyalinakwendeka Njambi. Uje amona nakutungukwa cimona ca Njambi Muka-nzili yoshe. Uje awila asi ngwe natsi kavela-vela, oloni mesho endi natono amona vyoshe.

Kulava 24:4 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Kushangumuka 15:12

Omo litangwa lyatokele, Avilama walalele manene, co wakele na lyova na cangasisi.

1 Vimyene 22:17

Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo mu kwoloka.’ ”

Myaso 89:19

Ku san̄ulu wendekele mu cimona kuli vangamba vove va kulongwa ngwove, “Njinakwasa lishwalale wa nzili, njinamwangula akati ka vanu, nakumutsimanesa.

Ezekiyele 1:28

co cije ceke cakele na mivembe ya cifwa ca nkongolo. Eci cikeco ceke cakuvyazima cije cisholola vumpau vwa Shukulu Kalunga.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Kulava 22:20

Co vutsiki vuje vene Njambi wezile kuli Mbalame nakumuleka ngwendi, “Nga ava vanu vanaija nakulomba ngeci uye navo, livwaesele cimweja ngeci uye navo, oloni ya ukalinge lika vije njikuleka.”

Kulava 22:31

Asinoni Shukulu Kalunga watonesele mesho a Mbalame, co wamwene kangelo ka Shukulu Kalunga nemana mu ngila na mukwale wendi mu livoko. Co Mbalame wakulamesele cihanga cendi nakulyumbila asi.

Kulava 24:15

Asinoni ikeye wambulwile vuka-kwimanena vwendi ngwendi, “Lijwi lya Mbalame muna Mbeole, lijwi lya munu uje asa kumona mwamuvwa nakutungukwa.

Kulava 24:5

Vimbalaka vyove Yakomba vyapwa vyavivwa, na vilombo vyove Isalele vyavivwa!

Vilinga vya Miluwa 10:10

Co wazivile njala washakele kulya, oloni simbu vakele nakuvwaesa vyakulya wamwene cimona.

Vilinga vya Miluwa 10:19

Co Petulu anga wacikele nakuyongola mucinalumbunukila cimona omo Munzinzime wendekele kuli ikeye ngwendi, “Kenga! Vanalume vatatu valinakukushakezeka.

Vilinga vya Miluwa 22:17

“Omo njelukile ku Yelusalema, co a simbu ije njakele nakulombela mu Njuvo ya Shukulu Kalunga, njamwene cimona,

Kujombolola 1:10

A litangwa lya Mwene njakele mu Munzinzime, co njazivile lijwi lyakama, lyalifwile ngwe cililimo ca lupembo, lyendekele munima yange.

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

1 Samwele 19:24

Co washulwile vuzalo vwendi wakinine nakwambulula vuka-kwimanena ku mesho a Samwele, co wakele ngacije vene mushelengwa litangwa lyoshe lije, na vutsiki vwoshe vuje. (Omu mukemwo yashangumukilile n̄anda yakwendeka ngwavo, “Kuma na Saulu napu muka-kwimanena ndi?”)