Kulava 24:13 - Livulu lya Shukulu Kalunga

¹³ ‘Nameme nga Mbalake akanjana njuvo yakushula ya siliva na ngolinde ya mu lipela lyendi, kunjikasa kuvyana kushika kwa Shukulu Kalunga akulilingila cumacimo yange vavenya nambe cacivwa nambe cacivi. Njikendeka lika vije vyakanjileka Shukulu Kalunga kwendeka.’ ”

Kulava 24:13 Iomraidhean Croise

1 Vimyene 13:8

Co muka-kwimanena wamukumbulwile ngwendi, “Nameme nga ukanjana litambelo lya vufuko vwove, kunjii amo nove nambe kulya nambe kunwa cuma cimo amo nove embwe.

1 Vimyene 22:14

Oloni Mikaya wamukumbulwile ngwendi, “Mu lizina lya Shukulu Kalunga njilikumiiya ngeci njikendeka vene evi ikeye anjilekavyo!”

Kulava 16:28

Co Mosesa wendekele ku mbunga ya vanu ngwendi, “Eci cikamizivukisa ngeci kuma Shukulu Kalunga ikeye nanjitumu kulinga vyuma evi vyoshe, kesi yange vavenya njalilingilavyo embwe.

Kulava 22:18

Oloni Mbalame wavakumbulwile ngwendi, “Nameme nga Mbalake akanjana siliva yoshe na ngolinde yoshe ya mu lipela lyendi, oloni kunjasa kuvyana kushika kwa Shukulu Kalunga Njambi yange, nameme kutundisako nambe kwakelako.

Kulava 22:20

Co vutsiki vuje vene Njambi wezile kuli Mbalame nakumuleka ngwendi, “Nga ava vanu vanaija nakulomba ngeci uye navo, livwaesele cimweja ngeci uye navo, oloni ya ukalinge lika vije njikuleka.”

Kulava 22:8

Co Mbalame wendekele kuli vakevo ngwendi, “Laleni kuno, co imene njikamikumbulula vije vyakanjileka Shukulu Kalunga.” Ngecivene, vaje vantwama va vaMowavi vatumbamene kuli Mbalame.