Kulava 23:19 - Livulu lya Shukulu Kalunga

¹⁹ Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Kulava 23:19 Iomraidhean Croise

Kushangumuka 26:3

Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama.

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

1 Vimyene 14:11

Munu woshe wa ku naanga yove uje atsila mu nganda vakamulya ku tutali, co woshe uje akatsila mushandangala yangoco vakamulya ku makuvi. Yange Kalunga, njinendekamo. ’ ”

2 Vimyene 15:12

Ngecivene, vashulisile cikulaeso cije calingile Shukulu Kalunga kuli Mwene Yehu ngwendi, “Vatekulwila vove vakapwa vimyene va mu Isalele kweta ku cisemwa camuciwana.”

2 Vimyene 7:2

Co uje katumwa ka mwene wendekele kuli Elisha ngwendi, “Eci kucikalingiwa embwe, nameme vene nga Shukulu Kalunga atuma nyonzi yakama a simbu ino!” Co Elisha wamukumbulwile ngwendi, “Ukacimona omo cikalingiwa, oloni yove kuukaliko vimo ku vyakulya vije.”

1 Mizimbu 17:17

Nameme ngoco na anga ucili nakuwezelelako lalo, unanjikulaesa cikulaeso ca vatekulwila ku myaka ya kulutwe, co yove, Shukulu Kalunga Njambi, lajoko unanjipwisa munu wakama manene.

Myaso 110:4

Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Myaso 132:11

Yove wakulaesele Ndaviti, cikulaeso cije kuukevala ngwove,

Myaso 77:9

Kuma Njambi nevala kukala na mema ku mbunge ndi? Kuma vukalu vwendi vunatundisa kutetela kwendi ndi?”

Myaso 89:34

Kunjikapokola cikumiiyo cange kuli ikeye embwe, nambe kutengulula vije vinjinendeka.

Myaso 89:35

“Njinalisingi lumo na ku myaka yoshe a lizina lyange lyakujela, nalumo lwai njikendeka makuli kuli Ndaviti!

Isaya 21:17

Vanalume vaka-mata a lusipa va mu Kendale vakasalao lika vavandondo. Yange Kalunga Njambi ya Isalele, njinendekamo.”

Isaya 31:2

Shukulu Kalunga azivuka vije vyalinakulinga! Atuma tuyando. Ikeye akahisa vaka-vuvi na vaka-kuvanyunga.

Isaya 40:8

Eyo, mwila ujujwama, na vishani vyuma, oloni lijwi lya Njambi yetu likakala simbu yoshe.”

Isaya 46:11

Njinasana munu kutunda mu ngangela, akukukwavula ngwe kambembe, co akamanesa vije vinjayongwele. Njinendeka, co vikalingiwa.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Njelemiya 4:28

Kaye kakalila, co lilu likazivala. Shukulu Kalunga nendekamo, co kakatengulula viyongola vyendi. Mukemwo mwanayongola, co kakatengululako mweka lalo.

Ndanyele 4:28

Vyuma vyoshe evi vyalingiwile kuli Mwene Nevukaneza.

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Malakiya 3:6

“Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele.

Kulava 14:35

Njilisinga ku mbunga eyi yaivi, voshe vananjikungulukila muno mu mambo nakunjilwisa. Voshe vakanyongelamo, co mukemwo lalo muvakatsila. Yange Kalunga, njinendekamo.’ ”

Kulava 23:18

Asinoni Mbalame washangumukile kwendeka vuka-kwimanena vwendi ngwendi, “Katuka Mbalake, uzivilile evi njendeka, tolilila majwi ange, ove muna Zipole.

Luka 21:33

Lilu na asi vikaita, oloni majwi ange kuwakaiti.

Loma 11:29

Omwo Njambi kesi kutengulula viyongola vyendi kuli vaje aangula nakuvavezikisa.

Loma 9:6

Kunjendeka ngwange cikulaeso ca Njambi cinonwa embwe, omwo kesi vanu voshe va Isalele vanapu vanu va Njambi embwe.

2 Timateo 2:13

Nga kutupu va kulongwa, Ikeye anga wapwa wa kulongwa, omwo kasa kulivyana ikeye vavenya.”

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

VaHevelu 7:21

Oloni Yesu vamupwisile Muka-kukombelela a ngila ya cisingo omo Njambi wendekele kuli ikeye ngwendi. “Shukulu Kalunga nalisingi, co kakatengulula viyongola vyendi, Yove ukapwa vene Muka-kukombelela ku myaka yoshe.”

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Yakomba 4:5

Kesi muyongole ngweni visoneka vilinakwendeka makuli omo vyendeka ngwavyo, “Munzinzime uje yanaka Njambi muli yetu washula na mashungu a muuka.”

Yoshwa 21:45

Shukulu Kalunga wanyungile vikulaeso vyoshe vije vyalingile na vanu va Isalele.

1 Samwele 15:29

Njambi ya Isalele Muka-nzili yoshe kesi kwendeka makuli nambe kesi kutengulula viyongola vyendi embwe. Omwo ikeye kesi munu, ngeci atenguluke embwe.”

1 Samwele 3:12

A litangwa lije vene njikalinga kuli Eli vyoshe vije vinjinendeka a naanga yendi, kutunda kukushangumuka kweta na ku shongo.